અમદાવાદ, એકતરફ ગૃહ વિભાગ સિનિયર સિટીઝનોની મદદ કરવા પોલીસ વિભાગને સૂચવે છે પરંતુ કેટલાક પોલીસ સ્ટેશનનો સ્ટાફ કે અધિકારીઓ સિનિયર સિટીઝનની મદદ કરવા કે કાર્યવાહી કરવાની જગ્યાએ તેમને ધક્કા ખવડાવી ચપ્પલ ઘસી નાખવા મજબૂર કરે છે.શહેરમાં રહેતા સિનિયર સિટીઝનને વાસણા પોલીસનો આવો જ કડવો અનુભવ થયો છે. ૫૬ વર્ષીય સિનિયર સિટીઝન મહિલાએ જૂનાગઢની એક મહિલાને દોઢ લાખ રૂપિયા આપ્યા બાદ તે મહિલા રૂપિયા પરત આપતી નહોતી.ભોગ બનનાર સિનિયર સિટીઝન એક પરિવારના ઘરે રસોઇકામ માટે ગયા ત્યારે ત્યાં કચરા પોતાનું કામ કરતી મહિલાએ તેનો ભાઇ શાહીબાગ સરકારી કચેરીમાં છે અને તે રૂપિયા કઢાવી આપશે તેવો વાયદો કર્યાે હતો. બાદમાં ગઠિયાએ પોતે…
Author: gujarat
અમદાવાદ, શહેરનાં વિસ્તરણ સાથે આગ જેવી કુદરતી અને માનવસર્જીત હોનારતોનાં કિસ્સામાં ચોંકાવનારો વધારો નોંધાયો છે, ત્યારે પાંચ વર્ષમાં આગ-અકસ્માતોનાં કારણે લોકોની ૪૪૦ કરોડની વિવિધ પ્રકારની મિલકતો સ્વાહા થઇ ગયાનો દાવો ફાયર બ્રિગેડ તરફથી આપવામાં આવેલી માહિતીનાં આધારે મ્યુનિ. કોંગ્રેસ પક્ષનેતાએ કર્યાે હતો.મ્યુનિ. સામાન્ય સભાની રાબેતા મુજબની બેઠકમાં ઝીરો અવર્સનાં પ્રારંભે મ્યુનિ. વિપક્ષનેતાએ જણાવ્યું હતું કે, રોડ, પાણી, ગટર વગેરે પ્રકારની પ્રાથમિક સુવિધા પૂરી પાડવાની મ્યુનિ.ની ફરજ છે, તેની સાથે સાથે જાતજાતની કુદરતી અને માનવસર્જીત હોનારત-દુર્ઘટના-અકસ્માત વગેરેમાં પણ રાહત બચાવ વગેરે પ્રકારની કામગીરી કરવાની જવાદારી પણ મ્યુનિ.તંત્રની છે, જેના માટે ફાયર બ્રિગેડ વિભાગની રચના કરવામાં આવેલી છે.તેમણે કહ્યું કે, ઉનાળાની મોસમ…
ભરૂચ, રાજ્યમાં છેલ્લા ત્રણ-ચાર દિવસથી વાતાવરણમાં ભારે ઉથલપાથલ જોવા મળી રહી છે. એકતરફ શિયાળો વિદાય લઈ રહ્યો છે અને ઉનાળાની શરૂઆત થઈ રહી છે, ત્યારે આજે ભરૂચ જિલ્લામાં અચાનક વાતાવરણ પલટાયું હતું. તેજ પવન સાથે પડેલા કમોસમી વરસાદને કારણે વાતાવરણમાં ઠંડક તો પ્રસરી છે, પરંતુ ખેડૂતોમાં ચિંતાના વાદળો ઘેરાયા છે. જ્યારે આજે સુરત, તાપી, ભરૂચ, નર્મદા અને છોટા ઉદેપુરમાં યલો ઍલર્ટ જાહેર કર્યું છે.સોમવારે વહેલી સવારથી ભરૂચ જિલ્લાના અંકલેશ્વર, જંબુસર સહિતના વિસ્તારોમાં વાદળછાયા વાતાવરણ વચ્ચે કમોસમી વરસાદ ખાબક્યો હતો. તેજ ઠંડા પવનો અને ઝરમર વરસાદને કારણે વાહનચાલકોને વિઝિબિલિટી ઘટતા મુશ્કેલી પડી હતી. આ કમોસમી વરસાદે ખેડૂતોની મુશ્કેલીઓ વધારી દીધી છે.તૈયાર…
અમદાવાદ, શહેરમાં વધી રહેલા માનવ તસ્કરીના કિસ્સાઓ વચ્ચે હિંમતનગરથી નવજાત શિશુને ખરીદી હૈદરાબાદ વેચવા જવાના રેકેટમાં પકડાયેલી મહિલા આરોપી વંદના જીગરભાઈ પંચાલની નિયમિત જામીન અરજી અમદાવાદ સિટી સિવિલ એન્ડ સેશન્સ કોર્ટે ફગાવી દીધી છે. કોર્ટે ચુકાદામાં જણાવ્યું કે, બાળ તસ્કરી જેવા ગુનાઓનું પ્રમાણ વધી રહ્યું છે, જે સમાજ માટે અત્યંત ગંભીર બાબત છે.ગુનાની ગંભીરતા અને સમાજ પર તેની અસરોને ધ્યાને રાખી આરોપીને જામીન આપી શકાય નહીં. નોંધનીય છે કે, વંદના પંચાલ ગુજરાતના આંતરિયાળ ગામોમાંથી બાળ તસ્કરીના રેકેટમાં વચેટિયા તરીકે કામ કરતી હતી.૨૮ જાન્યુઆરીના રોજ ક્રાઈમ બ્રાન્ચને બાતમી મળી હતી કે વંદના પંચાલ અને તેના સાથીદારો હિંમતનગરથી એક નવજાત બાળકને ગેરકાયદે…
અમદાવાદ, અમદાવાદ એરપોર્ટ પર કસ્ટમ્સની એર ઇન્ટેલિજન્સ યુનિટ દ્વારા સોનાની દાણચોરીનો કેસ ઝડપાયો છે. અબુધાબીથી અમદાવાદ આવેલા શાહરૂખ નામના મુસાફરે શરીરમાં સોનાની કેપ્સુલ છુપાવા હતી.આ અંગે અધિકારીઓને જાણ થતા તેને સિવિલમાં દાખલ કરવામાં આવ્યો હતો. જ્યાં તબીબોએ સારવાર આપી તેના પેટમાંથી ૨૧.૯૦ લાખનું ૧૩૫ ગ્રામ સોનાની ત્રણ કેપ્સુલ મળ માર્ગ દ્વારા બહાર કાઢી હતી. સોનુ કબજે લઈ અધિકારીઓ દ્વારા શાહરૂખની આ દાણચોરી અંગે પૂછપરછ કરવામાં આવી રહી છે. એરપોર્ટ પર સોનાની દાણચોરી કરતા કેરિયરની જે પ્રોફાઈલ તૈયાર કરવામાં આવી છે તેના આધારે શાહરૂખને અટકાવીને તેની તલાશી લેવામાં આવી હતી.અમદાવાદ એરપોર્ટ પર સોનાની દાણચોરી સતત વધી રહી છે ત્યારે કસ્ટમર અધિકારીઓ…
અમદાવાદ , રામોલ વિસ્તારમાં આવેલા કેસર હાઈટ્સ શોપિંગ સેન્ટરમાં સ્થિત ડેકોરેશનની દુકાનમાં તોડફોડની ઘટના નોંધાઈ હતી. દુકાનના વેપારીએ સંકેત ચૌધરી નામના યુવક વિરુદ્ધ રામોલ પોલીસ સ્ટેશનમાં ફરિયાદ નોંધાવી હતી.ફરિયાદ મુજબ, યુવક દુકાનમાં ઘૂસી આવ્યો હતો અને દુકાનના માલિક વિશે પૂછપરછ કરતા ધમકીભર્યા શબ્દો ઉચ્ચાર્યા હતા. ત્યારબાદ તેણે હાથમાં રહેલી બેઝબોલ સ્ટિકથી દુકાનના દરવાજાના કાચ પર ફટકા મારીને કાચ તોડી નાખ્યો હતો. આ ઉપરાંત દુકાનમાં રહેલી અન્ય ચીજવસ્તુઓમાં પણ નુકસાન પહોંચાડ્યું હતું. ઘટનાના સમયે દુકાનમાં હાજર કર્મચારી ગભરાઈ ગયો હતો. બાદમાં કર્મચારીએ દુકાનમાલિકને જાણ કરી અને પોલીસમાં ફરિયાદ નોંધાવી હતી.આરોપી અગાઉ પણ વસ્ત્રાલ વિસ્તારમાં જાહેર માર્ગ પર ઊભેલા વાહનોમાં તોડફોડ કરવાના…
અમદાવાદ, અમદાવાદમાં હાઈબ્રીડ ગાંજાની વધતી માગ વચ્ચે ગાંજાના સપ્લાયરો દ્વારા યુવાનોને થાઈલેન્ડની ટ્રીપની લાલચ આપી હેરાફેરી કરાવવાની ચોંકાવનારી વિગતો ખૂલી છે.અમદાવાદ એસઓજીના અધિકારીઓએ સરદારનગર પોલીસ સ્ટેશન નજીકથી એક મહિલા સહિત બે પેડલરને અંદાજે રૂ. ૮ કરોડના હાઈબ્રીડ ગાંજા સાથે ઝડપી પાડતા સમગ્ર રેકેટ બહાર આવ્યું છે. પોલીસના હાથે ઝડપાયેલી જીયા ઉર્ફે જેસીકા ઉર્ફે આકાંક્ષા પ્રજાપતિ તેના પિતરાઈ ભાઈ ચેતન પ્રજાપતિ સાથે ગાંજો વેચવા નીકળી હતી ત્યારે એસઓજીની ટીમે દરોડો પાડી બંનેને ઝડપી લીધા હતા.આરોપીની પૂછપરછ દરમિયાન બહાર આવ્યું કે, જીયાની ઓળખ થાઈલેન્ડમાં સુરતના મિલન વઘાસિયા સાથે થઈ હતી. ત્યારબાદ તેની ઓળખાણ અમદાવાદના અમન જોશી સાથે કરાવવામાં આવી હતી. અમન જોશી…
સુરત, સુરતના જાણીતા હીરા ઉદ્યોગપતિ અને લક્ષ્મી ગ્›પના સંચાલકો એવા ગજેરા બંધુઓની મુશ્કેલીમાં ધરખમ વધારો થયો છે. પી.એન.બી. કૌભાંડના મુખ્ય આરોપી મેહુલ ચોક્સી સાથેના કથિત જોડાણો અને કરોડોની છેતરપિંડીના ગંભીર મામલે ગુજરાત હાઈકોર્ટની ફટકાર બાદ સુરત પોલીસે વસંત ગજેરા સહિત ૭ શખ્સો સામે ગુનો દાખલ કર્યાે છે.અગાઉ સ્થાનિક કક્ષાએ રજૂઆત છતાં કાર્યવાહી ન થતા મામલો હાઈકોર્ટમાં પહોંચ્યો હતો. હાઈકોર્ટના કડક વલણ બાદ પોલીસે એક્શનમાં આવવું પડ્યું છે.ફરિયાદી પ્રવિણ દેવકીનંદન અગ્રવાલ (ભૂતે) દ્વારા આ મામલે ઈકો સેલમાં અગાઉ ફરિયાદો કરવામાં આવી હતી, પરંતુ ગજેરા બંધુઓ તપાસમાં હાજર રહ્યા નહોતા. આખરે ફરિયાદીએ હાઈકોર્ટમાં સ્પેશિયલ ક્રિમિનલ એપ્લિકેશન (૨૦૨૪/૨૦૨૬) દાખલ કરી હતી.જેની સુનાવણી બાદ…
અમદાવાદ, ટી૨૦ વર્લ્ડ કપના ત્રીજા સુપર ૮ મેચમાં ડિફેન્ડિંગ ચેમ્પિયન ભારતને દક્ષિણ આફ્રિકા સામે ૭૬ રનથી કારમી હારનો સામનો કરવો પડ્યો. ટી૨૦ વર્લ્ડ કપમાં સતત ૧૨ મેચ જીત્યા બાદ ટીમ હારી ગઈ.અમદાવાદના નરેન્દ્ર મોદી સ્ટેડિયમ ખાતે રમાયેલી મેચમાં આફ્રિકન ટીમે ટોસ જીતીને બેટિંગ કરવાનો નિર્ણય લીધો.આફ્રિકન ટીમે ૨૦ ઓવરમાં ૭ વિકેટે ૧૮૭ રન બનાવ્યા. તેના જવાબમાં ભારતીય ટીમ ૧૮.૫ ઓવરમાં ૧૧૧ રન બનાવી ઓલઆઉટ થઈ ગઈ. માર્કાે જેન્સને ૪ વિકેટ, કેશવ મહારાજે ૩ વિકેટ, કોર્બિન બોશે ૨ વિકેટ અને એડન માર્કરામે ૧ વિકેટ લીધી. શિવમ દુબે સૌથી વધુ ૪૨ રન બનાવ્યા.ટોસ જીતીને પ્રથમ બેટિંગ કરવા ઉતરેલી દક્ષિણ આફ્રિકાની ટીમે આક્રમક…