એથેન્સથી વેનિસ (ઇટાલી)ની મુસાફરી માટે નીકળેલું ક્રુઝ શિપ (સ્કારલેટ લેડી) મુશ્કેલીમાં મુકાઈ ગયું છે. લગભગ 2000 સમલૈંગિક લોકોને લઈ જતા આ જહાજને બે મુસ્લિમ દેશોએ એન્કર કરવાનો ઈન્કાર કરી દીધો છે. આ બે હજાર લોકોમાં ‘વર્જિન વોયેજેસ’ અને ‘એટલાન્ટિસ’ની ટીમ સામેલ છે. તુર્કીએ શરૂઆતમાં પારિવારિક મૂલ્યોને ટાંકીને આ જહાજને આશ્રય આપવાનો ઇનકાર કર્યો હતો. હવે ઈજિપ્તે પણ આ લોકોને તેના બંદર પર ઉતરવાની પરવાનગી આપવાનો ઈન્કાર કરી દીધો છે. સૂત્રોના જણાવ્યા અનુસાર આ જહાજ હવે અન્ય પોર્ટની શોધમાં છે.
સીએનએનના અહેવાલ મુજબ, આ ક્રૂઝ શિપમાં પ્રખ્યાત બ્રોડવે કલાકાર પેટ્ટી લુપોન પણ સામેલ છે, જેમણે તુર્કી અને ઇજિપ્ત દ્વારા એન્કર કરવાની મંજૂરી ન આપવા પર નારાજગી વ્યક્ત કરી છે. પેટીએ આ સમગ્ર ઘટનાને તેના સોશિયલ મીડિયા હેન્ડલ પર પણ શેર કરી છે. તેણે કહ્યું કે તુર્કીમાં હાર્ટબ્રેક પછી અમે ઇજિપ્ત તરફ જઈ રહ્યા હતા. પરંતુ આજે સવારે તેને તેના રૂમમાં જાણ કરવામાં આવી હતી કે ઇજિપ્તે પણ રહેવાની પરવાનગી નકારી દીધી છે. હવે તેનું આગલું સ્ટોપ ક્યાં હશે? તે જાણી શકાયું નથી. ક્રુઝ બીજા વિકલ્પની શોધમાં છે.
આ ક્રૂઝ ચલાવતી એટલાન્ટિક ઇવેન્ટ્સે પણ ઇજિપ્તના નિર્ણય પર આશ્ચર્ય વ્યક્ત કર્યું છે. કંપનીના સીઈઓ રિચ કેમ્પબેલે કહ્યું કે તેઓ આ નિર્ણયથી આશ્ચર્યચકિત છે. કારણ કે છેલ્લી વખત ક્રુઝ કૈરો પહોંચ્યું ત્યારે કોઈ સમસ્યા નહોતી. “લોકોને જાણવાની જરૂર છે કે એટલાન્ટિસ અને વર્જિન વોયેજેસ એલેક્ઝાન્ડ્રિયામાં તેમની ઇવેન્ટ યોજવાનો પ્રયાસ કર્યો હતો. પરંતુ તેને અટકાવી દેવામાં આવ્યો હતો. તે આપણા બધા માટે નિરાશાજનક છે,” તેમણે કહ્યું.
શું છે સમગ્ર મામલો?
CNNના રિપોર્ટ અનુસાર, Scarlet Lady નામનું આ ક્રૂઝ શિપ વર્જિન વોયેજ દ્વારા સંચાલિત છે. એટલાન્ટિસ ઇવેન્ટ્સ, એક ટ્રાવેલ કંપની જે સમગ્ર વિશ્વમાં LGBTQ+ ઇવેન્ટ્સનું આયોજન કરે છે, તેણે આ જહાજ દ્વારા એથેન્સથી વેનિસની 10 દિવસની સફરનું આયોજન કર્યું હતું. આ જહાજમાં મોટાભાગે ગે લોકો છે. આ ક્રૂઝ તેના સમયપત્રક મુજબ તુર્કીના બે બંદરો પર લંગરવાનું હતું. પરંતુ તુર્કીની સરકારે કૌટુંબિક મૂલ્યો અને નૈતિક મૂલ્યોને ટાંકીને આમ કરવાનો ઇનકાર કર્યો હતો.
તુર્કીના અધિકારીઓએ સ્પષ્ટપણે જણાવ્યું હતું કે, “આ ક્રૂઝ એક એવા જૂથ દ્વારા ચાર્ટર્ડ કરવામાં આવ્યું છે જે આપણા સમાજના બંધારણ સાથે મેળ ખાતું નથી. આ જહાજના આવવાના સમાચારથી લોકોમાં ઘણી ચિંતા ફેલાઈ હતી. તેથી તેને અટકાવી દેવામાં આવી છે.”
