રાજકોટના નિરંજન શાહ સ્ટેડિયમમાં રમાયેલી બીજી વનડે મેચમાં ડેરીલ મિશેલે ફરી એકવાર ભારતીય બોલરો સામે પોતાનું વર્ચસ્વ સાબિત કર્યું હતું. ન્યુઝીલેન્ડના આ અનુભવી બેટ્સમેને ભારત સામે પોતાનું શાનદાર ફોર્મ જાળવી રાખ્યું અને બીજી અણનમ સદી ફટકારી અને પોતાની ટીમને 7 વિકેટે શાનદાર જીત અપાવી. મિશેલની આ ઈનિંગ માત્ર આજની જીતનો પાયો ન બની, પરંતુ તેણે ભારત સામેની છેલ્લી કેટલીક ઈનિંગ્સમાં તેના અવિશ્વસનીય આંકડાઓમાં વધુ એક સુવર્ણ અધ્યાય પણ ઉમેર્યો.
ન્યૂઝીલેન્ડને જીતવા માટે 285 રનનો ટાર્ગેટ હતો. ટીમે 46 રનમાં બે વિકેટ ગુમાવી દીધી હતી ત્યારે મિશેલ ક્રિઝ પર આવ્યો હતો. સાવધાનીપૂર્વક રમતા તેણે 117 બોલમાં અણનમ 131 રનની વિસ્ફોટક ઇનિંગ રમી હતી. આ ઈનિંગ દરમિયાન મિશેલે 11 ફોર અને 2 સિક્સર ફટકારી હતી અને તેનો સ્ટ્રાઈક રેટ 111.97 હતો. તેણે વિલ યંગ (87 રન) સાથે ત્રીજી વિકેટ માટે 162 રનની જોરદાર ભાગીદારી કરી, જેણે ભારતીય બોલરોને મેચમાંથી સંપૂર્ણપણે ખતમ કરી દીધા.
ભારત સામે છેલ્લી 4 ઇનિંગ્સમાં ‘વિનાશ’
ભારતની ધરતી પર ભારત સામે ડેરીલ મિશેલનું પ્રદર્શન શાનદાર રહ્યું છે. ભારતમાં ભારત સામે રમાયેલી તેની છેલ્લી ચાર વનડે ઇનિંગ્સ દર્શાવે છે કે તે ભારતીય બોલરો પર કેવો પ્રભુત્વ ધરાવે છે.
1. 130 રન (127 બોલ)
2. 134 રન (119 બોલ)
