દક્ષિણ આફ્રિકાના જોહાનિસબર્ગ પાસે ગોળીબારની ઘટનામાં ઓછામાં ઓછા 10 લોકોના મોત થયા છે. જ્યારે 10 અન્ય ઘાયલ થયા હોવાના અહેવાલ છે. જેમાંથી ઘણાની હાલત નાજુક છે. એએફપીએ પોલીસને ટાંકીને આ માહિતી આપી છે. એજન્સીએ જણાવ્યું કે જોહાનિસબર્ગ નજીક એક ગામમાં એક અજાણ્યા બંદૂકધારીએ ગોળીબાર કર્યો. પોલીસના જણાવ્યા અનુસાર હુમલાખોરનો હેતુ હજુ જાણી શકાયો નથી.
પોલીસે જણાવ્યું કે ગોળીબારની ઘટના જોહાનિસબર્ગથી 40 કિલોમીટર દૂર બની હતી. પોલીસે જણાવ્યું કે હુમલાખોરે અચાનક રસ્તા પર રાહદારીઓને નિશાન બનાવવાનું શરૂ કર્યું. થોડી જ વારમાં બૂમો પડી ગઈ. જેમાં 10 લોકોના ઘટનાસ્થળે જ મોત થયા હતા. ઓછામાં ઓછા 10 લોકોને હોસ્પિટલમાં દાખલ કરવામાં આવ્યા છે.
