શનિવારે મધ્ય પૂર્વમાં યુદ્ધ શરૂ થયું, જ્યારે ઇઝરાયેલ અને અમેરિકાએ સાથે મળીને ઈરાન પર મોટો હુમલો કર્યો. અમેરિકા છેલ્લા કેટલાક અઠવાડિયાથી ઈરાનને યુદ્ધની ધમકી આપી રહ્યું હતું. ઈરાને પણ જવાબી કાર્યવાહી કરી અને કતાર અને બહેરીન સહિત મધ્ય પૂર્વમાં ઓછામાં ઓછા 14 સ્થળોએ અમેરિકન સૈન્ય મથકોને નિશાન બનાવ્યા. તેણે દુબઈની પ્રખ્યાત ધ પામની એક હોટલ પર પણ હુમલો કર્યો હતો. ઈઝરાયલ-અમેરિકા અને ઈરાન વચ્ચેની આ લડાઈએ આખી દુનિયામાં કટોકટી સર્જી છે.
આ દરમિયાન ઈરાને સનસનીખેજ દાવો કર્યો છે કે તેણે 14 અમેરિકન સૈન્ય મથકો પર હુમલો કર્યો, જેમાં સેંકડો અમેરિકન સૈનિકો માર્યા ગયા. જો કે અમેરિકા દ્વારા હજુ સુધી આ વાતની પુષ્ટિ કરવામાં આવી નથી. ન્યૂઝ એજન્સી રોઇટર્સ અનુસાર, ઈરાનના IRGC ખાતમ ઓલ અંબિયા કમાન્ડના પ્રવક્તાએ કહ્યું કે 14 ઠેકાણાઓને નિશાન બનાવવામાં આવ્યા અને સેંકડો અમેરિકન સૈનિકો માર્યા ગયા. તેમણે ચેતવણી આપી હતી કે ઈરાની સશસ્ત્ર દળોના હુમલા વધુ પ્રહાર અને મોટા હશે.
અમેરિકન અને ઈઝરાયેલના હુમલા બાદ ઈરાને જવાબી કાર્યવાહીમાં ઈઝરાયેલ સહિત આસપાસના કેટલાક દેશોને નિશાન બનાવ્યા હતા. ઈરાને ઈઝરાયેલ ઉપરાંત બહેરીન, યુએઈ, ઈરાક, કુવૈત અને કતારમાં અમેરિકન સૈન્ય મથકો પર આ હુમલા કર્યા છે. ઈરાનમાં લગભગ 80 વિદ્યાર્થીનીઓ ઈઝરાયેલના હુમલામાં મૃત્યુ પામી હતી. આ પહેલા ઈઝરાયેલના રક્ષા મંત્રી ઈઝરાયેલ કાત્ઝે મીડિયાને આ હુમલાઓ અંગે માહિતી આપી હતી. તેમણે કહ્યું કે ઈરાન સામેના ખતરાઓને દૂર કરવા ઈરાન પર આગોતરી હુમલો કર્યો. કાત્ઝે એમ પણ કહ્યું કે દેશમાં કટોકટીની સ્થિતિ લાદવામાં આવી છે અને તેમને ડર છે કે ઈરાન ઈઝરાયેલ અને તેના નાગરિકો સામે મિસાઈલ અને ડ્રોન હુમલા કરશે.
