ભારતીય ટીમે ન્યૂઝીલેન્ડ સામેની પાંચ મેચની ટી-20 શ્રેણીમાં 2-0ની સરસાઈ મેળવી લીધી છે. બીજી મેચમાં ભારતે ન્યુઝીલેન્ડને સાત વિકેટે હરાવ્યું હતું. ભારતે શુક્રવારે રાયપુરના શહીદ વીર નારાયણ સ્ટેડિયમમાં 15.2 ઓવરમાં 209 રનના લક્ષ્યનો સરળતાથી પીછો કર્યો હતો. ભારતની જીતની સાથે જ સ્ટાર ઓલરાઉન્ડર હાર્દિક પંડ્યાના એક વીડિયોની સોશિયલ મીડિયા પર ખૂબ ચર્ચા થઈ રહી છે. મેચ પહેલા હાર્દિક પૂર્વ ભારતીય સ્પિનર અને પ્રેઝન્ટર મુરલી કાર્તિક પર ગુસ્સે થતો જોવા મળ્યો હતો. તેણે એક વખત કાર્તિકને આંગળી પણ બતાવી હતી. તેનો વીડિયો વાયરલ થઈ રહ્યો છે.
વીડિયોમાં જોઈ શકાય છે કે મેચ પહેલા હાર્દિક જ્યારે મેદાન પર આવ્યો ત્યારે કાર્તિકે હસીને તેની સાથે હાથ મિલાવ્યા હતા. જોકે, હાર્દિક સ્પષ્ટપણે કોઈ વાતને લઈને નારાજ હતો અને તેણે મુરલીને કંઈક કહ્યું. બંને વચ્ચે ઉગ્ર બોલાચાલી થઈ હતી. એવું લાગી રહ્યું હતું કે ભૂતપૂર્વ સ્પિનરે તેના બચાવમાં કંઈક કહ્યું પરંતુ હાર્દિક બોલવાનું ચાલુ રાખતા ગુસ્સામાં હતો. બંને વચ્ચે શું થયું? હાલમાં તેની માહિતી હજુ સુધી સામે આવી નથી. પરંતુ મેચ દરમિયાન અને પછી આ ઘટના ચાહકોમાં ચર્ચાનો વિષય બની રહે છે. સોશિયલ મીડિયા પર એક યુઝરે વીડિયો વિશે લખ્યું કે, હાર્દિક કેમ ગુસ્સે હતો? બીજાએ કહ્યું, “હાર્દિક સ્પષ્ટ રીતે નાખુશ હતો.” વિકેટ લીધા બાદ પણ તે ગુસ્સે હતો.
