ઇંગ્લેન્ડના દિગ્ગજ બેટ્સમેન જો રૂટે પોતાનું શાનદાર ફોર્મ જારી રાખ્યું છે અને શ્રીલંકા સામે ચાલી રહેલી વનડે શ્રેણીની ત્રીજી મેચમાં વધુ એક શાનદાર સદી ફટકારી છે. પ્રેમદાસા સ્ટેડિયમમાં રમાઈ રહેલી આ મેચમાં રૂટે શ્રીલંકાના બોલરો પર આકરા પ્રહારો કર્યા હતા. તેણે 108 બોલનો સામનો કર્યો અને 9 ફોર અને 1 સિક્સ ફટકારી. રૂટની આ સંયમિત અને પ્રભાવશાળી ઇનિંગને કારણે ઇંગ્લેન્ડે ટોસ જીતીને પ્રથમ બેટિંગ કરી અને નિર્ધારિત 50 ઓવરમાં 357/3નો વિશાળ સ્કોર બનાવ્યો. આ સ્કોર શ્રીલંકા માટે મોટો પડકાર સાબિત થઈ શકે છે.
આ સદી સાથે, જો રૂટે આંતરરાષ્ટ્રીય ક્રિકેટમાં સૌથી વધુ સદીના મામલે વિરાટ કોહલીની નજીક જવાની દિશામાં મજબૂત પગલું ભર્યું છે. હાલમાં સક્રિય ખેલાડીઓની યાદીમાં જો રૂટ હવે 61 સદી સાથે બીજા સ્થાને છે. જો કે વિરાટ કોહલી હજુ પણ 85 સદી સાથે રેસમાં આગળ છે, રૂટના તાજેતરના ફોર્મે તેને રોહિત શર્મા (50), સ્ટીવ સ્મિથ (49) અને કેન વિલિયમસન (48) જેવા સમકાલીન મહાન ખેલાડીઓ કરતાં ઘણો આગળ મૂકી દીધો છે. ક્રિકેટ જગતમાં ‘ફેબ-4’ વચ્ચે ચાલી રહેલી આ રેસમાં રૂટની સાતત્યતા તેને એક વિશેષ શ્રેણીમાં મૂકે છે.
સક્રિય ખેલાડીઓમાં સૌથી વધુ આંતરરાષ્ટ્રીય સદીઓ (ટોચની 5 યાદી)
1. વિરાટ કોહલી (ભારત): 85 સદી
2. જો રૂટ (ઇંગ્લેન્ડ): 61* સદી
3. રોહિત શર્મા (ભારત): 50 સદી
