SA20 લીગને ભારત અને શ્રીલંકામાં આયોજિત થનારા આગામી T20 વર્લ્ડ કપ માટે તૈયારીના સારા પ્લેટફોર્મ તરીકે જોવામાં આવી રહ્યું છે. જોકે, ભૂતપૂર્વ ઓલરાઉન્ડર ક્રિસ મોરિસે ગુરુવારે જોહાનિસબર્ગમાં કહ્યું હતું કે ICCની આ પ્રતિષ્ઠિત સ્પર્ધા પહેલા ખેલાડીઓને ઈજા થવી એ ‘દુર્ભાગ્યપૂર્ણ’ છે.
દરેક ટીમે SA20 લીગમાં ઓછામાં ઓછી 10 મેચ રમી હતી જ્યારે દક્ષિણ આફ્રિકાની ટીમ તરત જ વેસ્ટ ઈન્ડિઝ સામે ત્રણ મેચની T20 આંતરરાષ્ટ્રીય શ્રેણી પણ રમશે. તેણે 9 ફેબ્રુઆરીએ કેનેડા સામે T20 વર્લ્ડ કપમાં પોતાના અભિયાનની શરૂઆત કરવાની છે.
દક્ષિણ આફ્રિકાએ T20 ટીમમાં 2 ફેરફાર કરવા પડ્યા
દક્ષિણ આફ્રિકાને ગુરુવારે T20 વર્લ્ડ કપ માટે તેમની 15-સદસ્યની ટીમમાં બે ફેરફારો કરવાની ફરજ પડી હતી જ્યારે તેણે ઇજાગ્રસ્ત ટોની ડી જ્યોર્જી અને ડોનોવાન ફરેરાના સ્થાને રેયાન રિકલટન અને ટ્રિસ્ટન સ્ટબ્સને સામેલ કર્યા હતા.
ડી જ્યોર્જીને ડિસેમ્બરમાં ભારતના પ્રવાસ દરમિયાન હેમસ્ટ્રિંગની ઈજા થઈ હતી અને તે તેમાંથી સંપૂર્ણપણે સાજો થયો નથી, જ્યારે SA20 લીગમાં રમતી વખતે ફરેરાના ખભામાં ફ્રેક્ચર થયું હતું.
SA20 દરમિયાન મિલર, Ngidi અને Brewis ઘાયલ
આ સિવાય દક્ષિણ આફ્રિકાની T20 વર્લ્ડ કપ ટીમમાં સામેલ ડેવિડ મિલર, લુંગી એનગિડી અને ડેવાલ્ડ બ્રેવિસ પણ ઈજાગ્રસ્ત છે. મિલર જોબર્ગ સુપરકિંગ્સ સામે પાર્લ રોયલ્સ માટે એલિમિનેટર મેચ ચૂકી ગયો હતો જ્યારે એનગિડીએ સનરાઇઝર્સ ઇસ્ટર્ન કેપ સામે ક્વોલિફાયરમાં પ્રિટોરિયા કેપિટલ્સ માટે માત્ર બે ઓવર ફેંકી હતી. કેપિટલ્સ તરફથી રમતા બ્રેવિસને પણ 75 રનની મેચ વિનિંગ ઇનિંગ દરમિયાન તેની આંગળીમાં ઈજા થઈ હતી.
