દિલ્હી દિલ્હી: વડાપ્રધાન નરેન્દ્ર મોદીએ સોમવારે મંડપમ ઇન્ડિયા AI ઇમ્પેક્ટ એક્સ્પો 2026 માં ઔપચારિક રીતે ઉદ્ઘાટન કર્યું. આ એક્સ્પો 16 થી 20 ફેબ્રુઆરી દરમિયાન ઇન્ડિયા AI ઇમ્પેક્ટ સમિટ સાથે આયોજિત કરવામાં આવી રહ્યો છે. આ સમિટની થીમ “સર્વજન હિતાય, સર્વજન સુખાય” રાખવામાં આવી છે, જે સંદેશ આપે છે કે AI (કૃત્રિમ બુદ્ધિમત્તા) ટેકનોલોજીનો ઉપયોગ સમાજના દરેક વર્ગના લાભ અને સમૃદ્ધિ માટે થવો જોઈએ.
વડાપ્રધાન મોદીએ ઉદ્ઘાટન સત્રમાં કહ્યું હતું કે આર્ટિફિશિયલ ઈન્ટેલિજન્સ આજે વિશ્વની સૌથી ઝડપી વિકાસશીલ ટેક્નોલોજીમાંની એક છે અને તેનો ઉપયોગ તમામ ક્ષેત્રોમાં ક્રાંતિ લાવી શકે છે. તેમણે એમ પણ કહ્યું કે ભારતે નવીનતા અને ઉત્પાદકતા તેમજ સામાજિક અને આર્થિક વિકાસ માટે યોગ્ય દિશામાં AI ટેકનોલોજીનો ઉપયોગ કરવાની જરૂર છે. આ પ્રસંગે વિવિધ રાષ્ટ્રીય અને આંતરરાષ્ટ્રીય AI નિષ્ણાતો, ઉદ્યોગસાહસિકો, નીતિ નિર્માતાઓ અને ટેક્નોલોજી નેતાઓ હાજર છે. એક્સપોમાં આધારિત AI
ઉકેલસ્માર્ટ ટેક્નોલોજી, હેલ્થકેર, એજ્યુકેશન, એગ્રીકલ્ચર અને ગવર્નન્સના ક્ષેત્રોમાં નવીનતાઓ પર ભાર મૂકવામાં આવ્યો છે.
પાંચ દિવસીય ઈવેન્ટમાં ટેકનિકલ પ્રદર્શનો, પેનલ ચર્ચાઓ, વર્કશોપ અને નેટવર્કિંગ સત્રો યોજાશે. આ એક્સ્પોનો ઉદ્દેશ્ય એઆઈ ટેક્નોલોજીની સામાજિક અને આર્થિક અસરો પર વિચાર-વિમર્શ કરવાનો છે અને ભારતમાં એઆઈ ઈનોવેશનને પ્રોત્સાહન આપવાનો છે. પ્રધાનમંત્રીએ કહ્યું હતું કે “ભારત AI ઇમ્પેક્ટ એક્સ્પો 2026 એ ભારતમાં AI ક્ષેત્રે વૈશ્વિક નેતૃત્વ સ્થાપિત કરવાની દિશામાં એક મહત્વપૂર્ણ પગલું છે.” આ પ્રસંગે તેમણે નવા સ્ટાર્ટઅપ અને ટેકનોલોજીકલ ઈનોવેટર્સને પ્રોત્સાહિત કરવાની પણ અપીલ કરી હતી.
