રેલવે મુસાફરો માટે સારા સમાચાર છે. રેલવેએ મુસાફરોની સુવિધા માટે બે જોડી સુપરફાસ્ટ સ્પેશિયલ ટ્રેનો ચલાવવાનો નિર્ણય લીધો છે. આ ટ્રેનોથી માત્ર એક-બે નહીં પરંતુ ગુજરાત, મધ્યપ્રદેશ અને રાજસ્થાન સહિત અનેક રાજ્યોના મુસાફરોની મુસાફરી સરળ બનશે. આ માટેનું બુકિંગ પણ આજથી શરૂ થઈ ગયું છે.
પશ્ચિમ રેલ્વેના મુખ્ય જનસંપર્ક અધિકારી (CPRO) વિનીત અભિષેકે જણાવ્યું હતું કે મુસાફરોની સુવિધા માટે અને તેમની વધતી મુસાફરીની માંગને પહોંચી વળવા માટે, મુંબઈ સેન્ટ્રલ – નવી દિલ્હી અને બાંદ્રા ટર્મિનસ – અમૃતસર સ્ટેશનો વચ્ચે વિશેષ ભાડા પર બે સુપરફાસ્ટ સ્પેશિયલ ટ્રેનો ચલાવવામાં આવશે.
સીપીઆરઓ દ્વારા જારી કરાયેલા રીલીઝ મુજબ, ટ્રેન નંબર 04001/04002 મુંબઈ સેન્ટ્રલ – નવી દિલ્હી સુપરફાસ્ટ સ્પેશિયલ ટ્રેન 8 ટ્રીપ કરશે. ટ્રેન નંબર 04001 મુંબઈ સેન્ટ્રલ – નવી દિલ્હી સુપરફાસ્ટ સ્પેશિયલ મુંબઈ સેન્ટ્રલથી 11.30 વાગ્યે ઉપડશે અને બીજા દિવસે રાત્રે 08.50 વાગ્યે નવી દિલ્હી પહોંચશે. આ ટ્રેન 21, 24, 27 અને 30 ડિસેમ્બરે દોડશે.
એ જ રીતે ટ્રેન નંબર 04002 નવી દિલ્હી – મુંબઈ સેન્ટ્રલ સુપરફાસ્ટ સ્પેશિયલ નવી દિલ્હીથી રાત્રે 10.40 વાગ્યે ઉપડશે અને બીજા દિવસે રાત્રે 09.00 વાગ્યે મુંબઈ સેન્ટ્રલ પહોંચશે. આ ટ્રેન 20, 23, 26 અને 29 ડિસેમ્બરે દોડશે.
આ સ્ટેશનો પર ટ્રેન ઉભી રહેશે
આ ટ્રેન બંને દિશામાં બોરીવલી, સુરત, વડોદરા, રતલામ, કોટા, સવાઈ માધોપુર, ગંગાપુર સિટી અને મથુરા સ્ટેશનો પર ઉભી રહેશે.
