ભારતીય સિનેમાની સૌથી વધુ રાહ જોવાતી ફિલ્મોમાંની એક ‘ટોક્સિકઃ અ ફેરીટેલ ફોર ગ્રોન-અપ્સ’ના ટ્રેલરની રાહ આખરે પૂરી થવા જઈ રહી છે. નિર્માતાઓએ રોકિંગ સ્ટાર યશનું શક્તિશાળી નવું પોસ્ટર રિલીઝ કર્યું છે અને જાહેરાત કરી છે કે ફિલ્મનું બહુપ્રતિક્ષિત ટ્રેલર 8 ઓગસ્ટ 2026ના રોજ રિલીઝ થશે.
ફિલ્મના અત્યાર સુધીના પ્રચારની જેમ આ નવું પોસ્ટર પણ રહસ્યથી ભરેલું છે. પોસ્ટરમાં યશના પાત્ર ‘રાયા’નું સિલુએટ જોવા મળે છે, જેના હાથમાં ટોમી ગન છે. આ ઝલક ફિલ્મની વિશાળ અને કાચી દુનિયા તરફ નિર્દેશ કરે છે, પરંતુ તેમ છતાં વાર્તાના પત્તાં ખોલતી નથી. અત્યાર સુધી રિલીઝ થયેલા દરેક પોસ્ટર અને ટીઝરની જેમ આ પોસ્ટરે પણ સોશિયલ મીડિયા પર ધૂમ મચાવી છે, જ્યાં ચાહકો વાર્તા અને રાયાની જર્ની વિશે વિવિધ અટકળો લગાવી રહ્યા છે.
રસપ્રદ વાત એ છે કે, ટ્રેલરનું ભવ્ય લોન્ચ બેંગલુરુમાં થશે, જે યશ અને કેવીએન પ્રોડક્શન્સનું હોમ સ્ટેટ પણ છે. 8મી ઓગસ્ટની તારીખ બીજા એક ખાસ કારણથી યાદગાર છે, કારણ કે આ દિવસે ‘ટોક્સિક’નું શૂટિંગ શરૂ થયાને બે વર્ષ થશે.
અત્યાર સુધી ફિલ્મની દરેક ઝલક ગુપ્ત રાખવાની રણનીતિ અપનાવી છે. અદભૂત દ્રશ્યો અને રહસ્યમય છબીઓ દ્વારા, પ્રેક્ષકો પોતે જ ‘ટોક્સિક’ની દુનિયા સાથે જોડાવા પ્રયાસ કરી રહ્યાં છે. હવે ટ્રેલર એ અધૂરા ચિત્રનો અંતિમ ભાગ બનવા જઈ રહ્યું છે, જે દર્શકોને ફિલ્મની દુનિયા, તેના પાત્રો, તેના ભવ્ય સ્કેલ અને વર્ષની સૌથી રહસ્યમય વાર્તાની પ્રથમ સંપૂર્ણ ઝલક આપે છે.
ગીતુ મોહનદાસ દ્વારા દિગ્દર્શિત ‘ટોક્સિકઃ અ ફેરીટેલ ફોર ગ્રોન-અપ્સ’માં રોકિંગ સ્ટાર યશ સાથે નયનથારા, કિયારા અડવાણી, તારા સુતારિયા, રુક્મિણી વસંત અને હુમા કુરેશી મહત્વની ભૂમિકામાં જોવા મળશે.
કન્નડ અને અંગ્રેજીમાં એક સાથે શૂટ થયેલી આ ફિલ્મ હિન્દી, તેલુગુ, તમિલ અને મલયાલમમાં પણ રિલીઝ થશે. KVN પ્રોડક્શન્સ અને મોન્સ્ટર માઇન્ડ ક્રિએશનના બેનર હેઠળ બનેલી આ બહુપ્રતિક્ષિત ફિલ્મ બુધવાર, 26 ઓગસ્ટ, 2026ના રોજ વિશ્વભરના સિનેમાઘરોમાં રિલીઝ થશે.
