રોહિત-કોહલી (રો-કો) એ બુધવારે લિસ્ટ A ક્રિકેટ વિજય હજારે ટ્રોફી 2025માં રેકોર્ડ બેટિંગ કરી હતી. સ્ટાર બેટ્સમેન વિરાટ કોહલીએ આંધ્રપ્રદેશ વિરૂદ્ધ તેની 330મી લિસ્ટ A ઇનિંગમાં સૌથી ઝડપી 16 હજાર રન બનાવવાના મામલે સચિન તેંડુલકરને પાછળ છોડી દીધો છે. રોહિત શર્માએ સિક્કિમ સામે મુંબઈ તરફથી રમતી વખતે સદી ફટકારી હતી અને આ ફોર્મેટમાં નવ વખત 150થી વધુ રન કરીને ડેવિડ વોર્નરની બરાબરી કરી હતી.
રોહિત શર્મા હવે લિસ્ટ A ક્રિકેટ (ODI અને સ્થાનિક 50-ઓવરના ફોર્મેટ)માં સૌથી વધુ 150 કે તેથી વધુ રન બનાવનાર બેટ્સમેન બની ગયો છે. તેણે 9 વખત 150+ સ્કોર કરવાના ડેવિડ વોર્નરના રેકોર્ડની બરાબરી કરી છે. આ યાદીમાં ત્રીજા સ્થાને મહાન ક્રિકેટર સચિન તેંડુલકર છે, જેણે 5 વખત આ સિદ્ધિ મેળવી છે. આ પછી વિરાટ કોહલી અને ક્રિસ ગેલ છે. બંનેએ 5-5 વખત આ કારનામું પણ કર્યું છે.
રોહિતે આજે 38 વર્ષ અને 238 દિવસની ઉંમરે સદી ફટકારી અને આ ટૂર્નામેન્ટમાં સદી ફટકારનાર બીજો સૌથી વૃદ્ધ ક્રિકેટર બન્યો. આ ટુર્નામેન્ટમાં સદી ફટકારનાર સૌથી વૃદ્ધ ક્રિકેટર બંગાળના અનુસ્તુપ મજુમદાર છે, જેમણે 2023-24ની સિઝનમાં 39 વર્ષની ઉંમરે બે સદી ફટકારી હતી. 62 બોલમાં સદી ફટકાર્યા બાદ, રોહિતની ઇનિંગ 94 બોલમાં 155 રનના વ્યક્તિગત સ્કોર પર સમાપ્ત થઈ હતી. રોહિતે પોતાની ઇનિંગમાં 18 ફોર અને 9 સિક્સર ફટકારી હતી. મુંબઈએ આ મેચ આઠ વિકેટે જીતી લીધી હતી.
રોહિત શર્માએ સિક્કિમના બિનઅનુભવી બોલિંગ આક્રમણનો ભરપૂર ફાયદો ઉઠાવ્યો અને 94 બોલમાં 155 રન બનાવ્યા અને લિસ્ટ A ક્રિકેટમાં પરત ફરતી વખતે તેની શાનદાર ઇનિંગના આધારે મુંબઈએ બુધવારે વિજય હજારે ટ્રોફી ગ્રુપ C મેચમાં સિક્કિમને આઠ વિકેટથી હરાવ્યું. લગભગ 20 હજાર દર્શકોને ક્રિસમસની ભેટ આપતા ‘હિટમેન’ રોહિતે પોતાની ઇનિંગમાં 18 ચોગ્ગા અને નવ છગ્ગા ફટકાર્યા હતા. મુંબઈને 30માં જીતવા માટે 237 રનનો ટાર્ગેટ આપ્યો હતો. 3 ઓવરમાં હાંસલ કર્યો હતો.
