ઈશાન કિશન અને સૂર્યકુમાર યાદવની તોફાની ઈનિંગ્સના જોરે ભારતે ન્યૂઝીલેન્ડ સામેના 209 રનના લક્ષ્યાંકનો સરળતાથી પીછો કર્યો અને 5 મેચની શ્રેણીમાં 2-0ની સરસાઈ મેળવી લીધી. રાયપુરમાં રમાયેલી બીજી ટી20માં પ્રથમ બેટિંગ કરતા ન્યૂઝીલેન્ડે નિર્ધારિત 20 ઓવરમાં 6 વિકેટના નુકસાન પર 208 રન બનાવ્યા હતા, આ સ્કોરનો પીછો કરતા ઈશાન કિશને 76 રનની અણનમ ઇનિંગ રમી હતી જ્યારે કેપ્ટન સૂર્યકુમાર યાદવે 82 રનની અણનમ ઇનિંગ રમી હતી. ભારતે આ સ્કોર માત્ર 15.2 ઓવરમાં 7 વિકેટે મેળવી લીધો હતો. ટીમ ઈન્ડિયા હવે 200+ના ટાર્ગેટનો પીછો કરવામાં એક્સપર્ટ બની ગઈ છે. T20I ક્રિકેટમાં આ 6મી વખત છે જ્યારે ભારતે 200થી વધુ રનના લક્ષ્યનો સફળતાપૂર્વક પીછો કર્યો છે. ભારત હવે વર્લ્ડ રેકોર્ડ તોડવાની આરે છે.
T20I ક્રિકેટમાં સૌથી વધુ વખત 200થી વધુના લક્ષ્યનો પીછો કરવાનો વિશ્વ રેકોર્ડ ઓસ્ટ્રેલિયાના નામે છે. કાંગારુઓએ આ કારનામું 7 વખત કર્યું છે, જ્યારે હવે ટીમ ઈન્ડિયાએ 6ઠ્ઠી વખત આ કારનામું કર્યું છે અને તે યાદીમાં બીજા સ્થાને પહોંચી ગયું છે. આ સિરીઝમાં હજુ ત્રણ મેચ બાકી છે અને T20 વર્લ્ડ કપ પણ ભારત અને શ્રીલંકામાં રમાવાનો છે, તેથી આશા રાખી શકાય કે આવતા મહિના સુધીમાં ભારત આ વર્લ્ડ રેકોર્ડ પણ પોતાના નામે કરી લેશે.
ટોપ-5 ટીમોની આ યાદીમાં ભારત અને ઓસ્ટ્રેલિયાની સાથે પાકિસ્તાન પણ સામેલ છે. પાકિસ્તાને T20માં 4 વખત 200થી વધુ રનના સ્કોરનો પીછો કર્યો છે.
T20I ક્રિકેટમાં સૌથી વધુ વખત 200 થી વધુના લક્ષ્યનો પીછો કરનાર ટીમો
7 ઓસ્ટ્રેલિયા
