ઈરાન અને અમેરિકા વચ્ચે લાંબા સમયથી ચાલી રહેલા સંઘર્ષ અને તણાવમાં મધ્યસ્થી કરવાનો દાવો કરી રહેલા પાકિસ્તાને ફરી એકવાર દાવો કર્યો છે કે બંને દેશો વચ્ચે શાંતિ મંત્રણાનો બીજો રાઉન્ડ ટૂંક સમયમાં ઈસ્લામાબાદમાં યોજાશે. આ બાબતથી વાકેફ ઈસ્લામાબાદના અધિકારીઓના જણાવ્યા અનુસાર ઈરાનના વિદેશ મંત્રી અબ્બાસ અરાઘચી અમેરિકા સાથે સંભવિત બીજા રાઉન્ડની શાંતિ વાટાઘાટો માટે શુક્રવારે રાત્રે પાકિસ્તાનની રાજધાની પહોંચશે.
પત્રકારોને આપેલા સંદેશમાં, અધિકારીઓએ જણાવ્યું હતું કે યુએસ લોજિસ્ટિક્સ અને સુરક્ષા ટીમ મંત્રણાની તૈયારી માટે પહેલેથી જ ઈસ્લામાબાદમાં છે. અધિકારીઓએ નામ ન આપવાની શરતે વાત કરી કારણ કે ચર્ચાઓ જાહેર નથી. યુએસ અને ઈરાન વચ્ચે શાંતિ વાટાઘાટોનો બીજો રાઉન્ડ ઈસ્લામાબાદમાં થવાની ધારણા છે, અધિકારીઓએ જણાવ્યું હતું, જોકે તેઓએ જણાવ્યું નથી કે વાટાઘાટો ક્યારે થશે.
અમેરિકા અને ઈરાન આ સપ્તાહની શરૂઆતમાં પાકિસ્તાનની રાજધાનીમાં શાંતિ મંત્રણા કરવાના હતા. રાષ્ટ્રપતિ ડોનાલ્ડ ટ્રમ્પે મંગળવારે ઇરાન સાથેના યુદ્ધવિરામને અનિશ્ચિત સમય સુધી લંબાવ્યા પછી ઉપરાષ્ટ્રપતિ જેડી વેન્સને ઇસ્લામાબાદ મોકલવાની યોજના રદ કરી દીધી છે. ઇસ્લામાબાદમાં યુએસ એમ્બેસીના પ્રવક્તાએ ટિપ્પણી કરવાનો ઇનકાર કર્યો હતો, જ્યારે ઈરાનના દૂતાવાસે તરત જ જવાબ આપ્યો ન હતો.
