વેસ્ટ ઈન્ડિઝના કિરોન પોલાર્ડ અને દક્ષિણ આફ્રિકાના ફાફ ડુ પ્લેસિસ અબુ ધાબી T10 ટૂર્નામેન્ટમાં ભૂતપૂર્વ ભારતીય ક્રિકેટરો હરભજન સિંહ, શ્રીસંત અને પીયૂષ ચાવલા સાથે રમશે. આ ખેલાડીઓએ અબુ ધાબીના ઝાયેદ ક્રિકેટ સ્ટેડિયમમાં 18 થી 30 નવેમ્બર દરમિયાન યોજાનારી અબુ ધાબી T10 ક્રિકેટ ટુર્નામેન્ટમાં રમવાની પુષ્ટિ કરી છે.
આ વખતે આ ટુર્નામેન્ટમાં કુલ આઠ ટીમો ભાગ લેશે, જેમાં પાંચ નવી ટીમો અજમાન ટાઇટન્સ, વિસ્ટા રાઇડર્સ, રોયલ ચેમ્પ્સ, એસ્પિન સ્ટેલિયન્સ અને ક્વેટા કેવેલરીનો સમાવેશ થાય છે. આ સિવાય ગયા વર્ષની ટીમો દિલ્હી બુલ્સ, નોર્ધન વોરિયર્સ અને ડેક્કન ગ્લેડીયેટર્સ પણ પોતાનો પડકાર રજૂ કરશે.
એસ્પિન સ્ટેલિયન્સે ભૂતપૂર્વ ભારતીય સ્પિનર હરભજનને આગામી ટુર્નામેન્ટ માટે તેમની ટીમમાં સામેલ કર્યો છે. અજમાન ટાઇટન્સે ભારતના વર્લ્ડ કપ વિજેતા લેગ સ્પિનર ચાવલાને ટીમમાં સામેલ કર્યો છે.
નામ પરથી સ્પષ્ટ છે કે, અબુ ધાબી T10 મેચ દરેક 10-10 ઓવરની હોય છે. ઘણા પ્રખ્યાત ખેલાડીઓની હાજરીને કારણે આ મેચોને લઈને દર્શકોમાં ભારે ઉત્તેજના છે.
અબુ ધાબી T10 ટૂર્નામેન્ટની છેલ્લી સિઝનનું ટાઇટલ ડેક્કન ગ્લેડીયેટર્સે જીત્યું હતું. તેણે ફાઇનલમાં મોરિસવિલે સેમ્પ આર્મીને હરાવ્યું. ડેક્કન ગ્લેડીયેટર્સે અત્યાર સુધીમાં ત્રણ વખત અબુ ધાબી T10 ટાઈટલ જીત્યું છે.
