પશ્ચિમ બંગાળના પૂર્વ ધારાસભ્ય તાપસ રોય બુધવારે TMC છોડીને ભાજપમાં જોડાયા હતા. તાજેતરમાં જ તેમણે ટીએમસીમાંથી રાજીનામું આપ્યું હતું.
રોય બુધવારે ભાજપના નેતા અને પશ્ચિમ બંગાળ વિધાનસભામાં વિરોધ પક્ષના નેતા સુવેન્દુ અધિકારી, પ્રદેશ અધ્યક્ષ સુકાંત મજુમદાર અને ઘણા નેતાઓની હાજરીમાં ભાજપમાં જોડાયા હતા.
આ પ્રસંગે રોયે કહ્યું, “આજથી હું ભાજપ પરિવાર અને મોદીજીના પરિવારનો સભ્ય બની ગયો છું. જ્યાં સુધી હું રાજકારણમાં છું ત્યાં સુધી આ પરિવારના સભ્ય તરીકે મને આપવામાં આવેલી તમામ જવાબદારી નિભાવીશ. હું કેન્દ્રના નેતૃત્વનો આભારી છું. મારે બંગાળમાં અરાજકતા, શાહજહાં શેખ, ઉત્તમ સરદાર, જોય હાજરાની સરકાર વિશે પણ વાત કરવી છે. સરકાર કાયદો અને વ્યવસ્થા અને બંધારણની વાત કરે છે. પરંતુ હાઈકોર્ટ કે સુપ્રીમ કોર્ટનું સાંભળતું નથી. હું ભાજપમાં જોડાયો જેથી કરીને આ અમાનવીય જીવોને ફેંકી દઈએ અને શાંતિપૂર્ણ રાજ્યનું નિર્માણ કરી શકીએ.