ટીમ ઈન્ડિયાના વિસ્ફોટક ઓપનિંગ બેટ્સમેન વૈભવ સૂર્યવંશીનું બેટ અટકવાના કોઈ સંકેત દેખાતું નથી. અંડર-19 વર્લ્ડ કપની ફાઇનલમાં ભારત ઇંગ્લેન્ડ સામે રમી રહ્યું છે. વૈભવ સૂર્યવંશીએ આ મેચમાં શાનદાર બેટિંગ કરીને 2 વર્લ્ડ રેકોર્ડ પોતાના નામે કર્યા છે. એક રેકોર્ડ અંડર-19 વર્લ્ડ કપમાં સૌથી વધુ સિક્સર મારવાનો છે, જ્યારે બીજો રેકોર્ડ અંડર-19 ઓડીઆઈ ક્રિકેટમાં 100 સિક્સર મારવાનો છે. સમાચાર લખાય છે ત્યાં સુધી વૈભવ સૂર્યવંશીએ ઈંગ્લેન્ડ સામે અંડર-19 વર્લ્ડ કપની ફાઇનલમાં અડધી સદી ફટકારી છે. તેણે 41 બોલમાં 7 ચોગ્ગા અને 5 ગગનચુંબી છગ્ગાની મદદથી 71 રન ઉમેર્યા છે.
આ પહેલા અંડર-19 વર્લ્ડ કપમાં સૌથી વધુ સિક્સર મારવાનો વર્લ્ડ રેકોર્ડ બે ખેલાડીઓના નામે હતો. દક્ષિણ આફ્રિકાના ડેવાલ્ડ બ્રુઈસ અને ન્યુઝીલેન્ડના ફિન એલન. બંને વિસ્ફોટક બેટ્સમેનોએ 18-18 છગ્ગા ફટકાર્યા હતા. બ્રેવિસે એક જ એડિશનમાં આ સિદ્ધિ મેળવી હતી. જ્યારે ફિન એલને બે ઇનિંગ્સમાં 18 સિક્સર ફટકારી હતી.
વૈભવ સૂર્યવંશીએ હવે એક જ એડિશનમાં 20 સિક્સર ફટકારીને આ વર્લ્ડ રેકોર્ડ બનાવ્યો છે. વૈભવ હજુ 14 વર્ષનો છે, તેથી તેને વધુ એક વર્લ્ડ કપ રમવાની તક મળશે. જો વૈભવ સૂર્યવંશી આગામી વર્લ્ડ કપ રમે છે તો તે એવો રેકોર્ડ બનાવી શકે છે જેને આવનારા લાંબા સમય સુધી કોઈ તોડી શકશે નહીં.
U19 વર્લ્ડ કપમાં સૌથી વધુ છગ્ગા
20* – 2026 માં વૈભવ સૂર્યવંશી
