પાકિસ્તાનના પૂર્વ વડાપ્રધાન ઈમરાન ખાનના નિધનની અફવાને કારણે સનસનાટી મચી ગઈ છે. જો કે, જેલ પ્રશાસને સ્પષ્ટ કર્યું છે કે ખાન સ્વસ્થ છે. એમ પણ કહ્યું કે તેને કોઈ જેલમાં ટ્રાન્સફર કરવામાં આવ્યો નથી. ઈસ્લામાબાદ કોર્ટે ત્રણ વર્ષની જેલની સજા ફટકાર્યા બાદ ખાન ઓગસ્ટ 2023થી જેલમાં છે. તેમને ભ્રષ્ટાચાર સંબંધિત કેસમાં દોષિત ઠેરવવામાં આવ્યા હતા.
ઈમરાન ખાન કેમ જેલમાં છે?
ધરપકડ કરતા પહેલા ખાને અલ જઝીરા સાથે વાત કરી હતી. તેના નામે 85 અલગ-અલગ કેસ હોવાનું પણ જણાવવામાં આવ્યું હતું. જાન્યુઆરી 2005માં, ખાનને જમીન સંબંધિત કેસમાં 14 વર્ષની જેલની સજા ફટકારવામાં આવી હતી. તેમની પત્ની બુશરા બીબીને 7 વર્ષની જેલની સજા ફટકારવામાં આવી હતી.
ભ્રષ્ટાચાર
ખાન પર આરોપ છે કે તેમણે વડાપ્રધાન તરીકે કામ કરતી વખતે રિયલ એસ્ટેટ ડેવલપર પાસેથી ગિફ્ટમાં જમીન લીધી હતી અને તેના બદલામાં ગેરકાયદેસર કામ કર્યું હતું. ભૂતપૂર્વ ક્રિકેટર અને તેની પત્ની પર 2018 માં રચાયેલા ટ્રસ્ટ દ્વારા લાંચ તરીકે 700 કરોડ રૂપિયાની જમીન લેવાનો આરોપ લાગ્યો હતો.
સરકારી ભેટ
ખાન પર આરોપ છે કે તેમણે તેમના વડાપ્રધાન તરીકેના કાર્યકાળ દરમિયાન મળેલી 14 કરોડ રૂપિયાથી વધુની ભેટ વેચી હતી. મીડિયા રિપોર્ટ્સ અનુસાર, નોંધાયેલા કેસમાં કહેવામાં આવ્યું છે કે આ ભેટ સરકારી હતી.
હિંસા
ખાન પર મે 2023માં ધરપકડ બાદ હિંસા ભડકાવવાનો આરોપ છે. આ કેસમાં પીટીઆઈના ઘણા સમર્થકોના નામ પણ સામેલ હતા.
