પાકિસ્તાનની નેશનલ એસેમ્બલીમાં વિરોધ પક્ષના નેતા અને ‘પખ્તુનખ્વા મિલ્લી અવામી પાર્ટી’ના પ્રમુખ મહમૂદ ખાન અચકઝાઈએ એક પ્રેસ કોન્ફરન્સમાં દાવો કર્યો છે કે પૂર્વ વડાપ્રધાન ઈમરાન ખાનને જેલમાં ધકેલી દેવામાં આવ્યો છે. પરંતુ દેશ છોડવા માટે દબાણ બનાવવામાં આવી રહ્યું છે.
પેશાવર હાઈકોર્ટમાં મીડિયા સાથે વાત કરતા અચકઝાઈએ કહ્યું કે વર્તમાન સત્તારૂઢ ગઠબંધન – પાકિસ્તાન મુસ્લિમ લીગ-નવાઝ (PML-N) અને પાકિસ્તાન પીપલ્સ પાર્ટી (PPP) – ભૂતપૂર્વ વડા પ્રધાન ઈમરાન ખાન સાથે ભૂતકાળમાં નવાઝ શરીફ અને બેનઝીર ભુટ્ટો સાથે અપનાવવામાં આવેલી એ જ રાજકીય ફોર્મ્યુલાનું પુનરાવર્તન કરવાનો પ્રયાસ કરી રહ્યા છે.
નવાઝ શરીફ અને બેનઝીર ભુટ્ટોનું શું થયું?
અચકઝઈ પાકિસ્તાનના રાજકીય ઈતિહાસમાં બે મોટી ઘટનાઓનો ઉલ્લેખ કરી રહ્યા હતા.
નવાઝ શરીફ (2000): જનરલ પરવેઝ મુશર્રફની હકાલપટ્ટી બાદ જેલમાં બંધ નવાઝ શરીફને સાઉદી અરેબિયા અને લેબનીઝ નેતૃત્વની મધ્યસ્થી હેઠળ 10 વર્ષ માટે દેશ છોડીને સાઉદી અરેબિયા જવાની મંજૂરી આપવામાં આવી હતી.
