મુંબઈ શિલ્પા શેટ્ટીના પતિ અને અભિનેતા રાજ કુન્દ્રાની એક્શન ડ્રામા થ્રિલર પંજાબી ફિલ્મ ‘ધ ગ્રેટ પંજાબ રોબરી’ શુક્રવારે સિનેમાઘરોમાં રિલીઝ થઈ ગઈ છે. આ ખુશીમાં અભિનેત્રી શિલ્પા શેટ્ટીએ તેના પતિ માટે ગર્વ વ્યક્ત કર્યો અને તેના માટે એક ખાસ પોસ્ટ સોશિયલ મીડિયા પર શેર કરી. અભિનેત્રી શિલ્પા શેટ્ટીએ ઇન્સ્ટાગ્રામ પર સિનેમા હોલનો એક મોન્ટેજ વીડિયો પોસ્ટ કર્યો છે. આમાં તે તેના પતિ સાથે સિનેમા હોલમાં જોવા મળી રહી છે. ફિલ્મની કેટલીક ઝલક પણ સામેલ છે. અભિનેત્રીએ તેના પતિ માટે એક ખાસ નોંધ પણ લખી હતી, જેમાં તેણે તેના પતિના વખાણ કર્યા હતા. તેમજ ફિલ્મની સમગ્ર ટીમને અભિનંદન પાઠવ્યા હતા. અભિનેત્રીએ લખ્યું, “કેટલાક હીરો કેપ પહેરે છે પણ મારો હીરો પાઘડી પહેરે છે. મને તારા પર ગર્વ છે, રાજ કુન્દ્રા. ‘ધ ગ્રેટ પંજાબ રોબરી’ હવે થિયેટરોમાં ચાલી રહી છે. પંજાબની પહેલી હીસ્ટ ફિલ્મ જોવા જાઓ. આખી ટીમને અભિનંદન.”
‘ધ ગ્રેટ પંજાબ રોબરી’ની વાત કરીએ તો, આ એક પંજાબી એક્શન-ડ્રામા ફિલ્મ છે, જેમાં રાજ કુન્દ્રા મુખ્ય ભૂમિકામાં જોવા મળશે. આ ફિલ્મમાં તે એક શીખ યુવકનો રોલ કરી રહ્યો છે. ફિલ્મની વાર્તા હિંમત, સંઘર્ષ, અપરાધ અને લાગણીઓની આસપાસ ફરશે. ફિલ્મમાં વિચિત્ર નામવાળા ત્રણ લોકો પંજાબમાં એક સામાન્ય બેંક લૂંટે છે. ધીમે ધીમે પોલીસને કોયડાઓમાં ફસાવી એ ખતરનાક મનની રમત બની જાય છે. આ ફિલ્મમાં એક્શનની સાથે ઊંડા જીવનના સંદેશા પણ છે. રાજ કુન્દ્રાનું પાત્ર એકદમ રહસ્યમય અને પ્રભાવશાળી લાગે છે.
ફિલ્મમાં રાજ કુન્દ્રા અને પાયલ રાજપૂત ઉપરાંત ગરવિતા સાધવાણી, મહાબીર ભુલ્લર, પરમવીર સિંહ, અંકિત સાગર, અમિત બહલ અને કુલવીર સોની જેવા કલાકારો પણ મહત્વની ભૂમિકામાં જોવા મળશે. આ ફિલ્મનું નિર્દેશન સૌરભ વર્માએ કર્યું છે જ્યારે તેનું નિર્માણ અકુરે મીડિયા દ્વારા કરવામાં આવ્યું છે. ફિલ્મની વાર્તા લોરેન્સ જ્હોને લખી છે. આ ફિલ્મ 7 ઓગસ્ટથી સિનેમાઘરોમાં રિલીઝ થઈ છે. ફિલ્મને દર્શકો તરફથી સકારાત્મક પ્રતિસાદ મળી રહ્યો છે.
આ પણ વાંચો – અખબાર પહેલા તમારા રાજ્ય/શહેરના સમાચાર વાંચવા માટે ક્લિક કરો.
