અમદાવાદના પાલડીમાં બે દિવસ પહેલા થયેલી હત્યાના કેસમાં આરોપીની ધરપકડ કરવામાં આવી છે. બે દિવસ પહેલા પાલડી ભટ્ટ વિસ્તારમાં એક યુવકની હત્યા કરવામાં આવી હતી. જેમાં પરસ્પર અદાવતના કારણે અલ્પેશ રબારી નામના યુવકના ઘર પર કેટલાક લોકોએ હુમલો કર્યો હતો. આ હુમલા દરમિયાન અલ્પેશને દોડાવીને માર માર્યો હતો. જેમાં વિશાલ દેસાઈ અને તેના સાગરિતો સામે ફરિયાદ નોંધાઈ હતી. સમગ્ર ઘટનાની ગંભીરતા જોતા ઝોન 7 એલસીબીએ હત્યાના આરોપીની ધરપકડ કરી છે. આ સાથે આ કેસમાં અન્ય કેટલાક આરોપી હોવાના મામલે પણ તપાસ હાથ ધરવામાં આવી છે. આ સાથે પોલીસે સમગ્ર ઘટના પાછળના કારણોની પણ તપાસ હાથ ધરી છે.