(GNS),20
ગુજરાતમાં વરસાદે તારાજી સર્જી છે. ગુજરાતમાં એવો કોઈ જિલ્લો બાકી નથી કે જ્યાં વરસાદની કોઈ આગાહી ન હોય. ત્યારે આગામી ત્રણ કલાક માટે હવામાન વિભાગ દ્વારા કરાયેલી આગાહી ઘાતક છે. આ ત્રણ કલાક કેટલાક જિલ્લાઓ માટે ભારે સાબિત થશે. આ ત્રણ કલાકમાં કચ્છ અને બનાસકાંઠામાં મધ્યમ વરસાદની આગાહી કરવામાં આવી છે. જ્યારે અમદાવાદ, વડોદરા, પંચમહાલ, તાપી, દીવ, પંચમહાલ, અરવલ્લી સહિત સૌરાષ્ટ્રના જિલ્લાઓમાં હળવા વરસાદની આગાહી કરવામાં આવી છે. આજે કચ્છ, જામનગર, દ્વારકા અને પોરબંદરમાં વરસાદ માટે યલો એલર્ટ છે. તો અમદાવાદમાં પણ સામાન્ય વરસાદ પડશે. આજે 4 જિલ્લામાં વરસાદ માટે યલો એલર્ટ જારી છે. કચ્છ, જામનગર, દ્વારકા અને પોરબંદરમાં યલો એલર્ટ છે. અમદાવાદમાં આજે પણ વરસાદની હવામાન વિભાગની આગાહી છે.
આગામી ત્રણ કલાક માટે હવામાન વિભાગની આગાહી આવી ગઈ છે. આ ત્રણ કલાકમાં કચ્છ અને બનાસકાંઠામાં મધ્યમ વરસાદની આગાહી કરવામાં આવી છે. જ્યારે અમદાવાદ, વડોદરા, પંચમહાલ, તાપી, દીવ, પંચમહાલ અને અરવલ્લી સહિત સૌરાષ્ટ્રના જિલ્લાઓમાં હળવા વરસાદની આગાહી કરવામાં આવી છે. હવામાન વિભાગની આગાહી મુજબ આજે કચ્છ અને બનાસકાંઠામાં મધ્યમ વરસાદની આગાહી કરવામાં આવી છે. તો દેવભૂમિ દ્વારકા, જામનગર, મોરબીમાં વરસાદની આગાહી છે. સુરેન્દ્રનગર, અમદાવાદ, બોટાદમાં હળવા વરસાદની આગાહી છે. ભાવનગર, અમરેલી, રાજકોટ પોરબંદરમાં વરસાદની આગાહી છે. જૂનાગઢ, ગીર-સોમનાથ, દીવમાં હળવા વરસાદની આગાહી છે. ખેડા, આણંદ, વડોદરા, પંચમહાલમાં વરસાદની આગાહી કરવામાં આવી છે. તેમજ અરવલ્લી અને તાપીમાં હળવા વરસાદની શક્યતા છે. રાજ્યમાં આજે પણ વરસાદી માહોલ જોવા મળ્યો હતો. અમદાવાદમાં મોડી રાત્રે ભારે વરસાદ પડ્યો હતો. જો કે વહેલી સવારે વરસાદ નથી પડતો પરંતુ અમદાવાદના આખા આકાશમાં કાળાડિબાંગ વાદળો ઘેરાઈ ગયા છે. વહેલી સવારથી આકાશમાં કાળાડિબાંગ વાદળો સાથે અંધારું વાતાવરણ જોવા મળી રહ્યું છે. શહેરમાં ગમે ત્યારે વરસાદ પડી શકે છે.