ગઈકાલના વરસાદને કારણે ઉપલેટા તાલુકાના લાથ ગામના ખેતરો ઘૂંટણ ઊંડે પાણીમાં ગરકાવ છે. જેના કારણે કપાસ, મગફળી, સોયાબીન સહિતના પાકો પાણીમાં ગરકાવ થઈ ગયા છે. ખેતરોમાં પાણી ભરાવાથી ખેડૂતોને નુકસાન થઈ શકે છે. આ ઉપરાંત અનેક ખેતરોમાં ધોવાણ પણ થયું છે. ગામના અનેક ઘરોમાં વરસાદી પાણી ભરાયા છે. જેના કારણે સ્થાનિક લોકોને મુશ્કેલીનો સામનો કરવો પડી રહ્યો છે.
ઉપલેટા વિસ્તારમાં ગઈકાલે પડેલા મુશળધાર વરસાદને કારણે લાથ ગામની નદી અને ચેકડેમમાં પુષ્કળ પાણી વહી ગયા છે. આ ઉપરાંત ધોરાજી, ઉપલેટા, જામકંડોરણા પંથકમાં મુશળધાર વરસાદ બાદ ભાદર 2, મોજ ડેમ, વેણુ ડેમમાંથી પાણી છોડવામાં આવ્યું હતું. જેના કારણે નદી નાળાઓમાં પાણી ઘુસી ગયા હતા. જેના કારણે નદીના પૂરના પાણી ખેતરોમાં ઘુસી ગયા હતા.