દુકાનમાંથી ખાંડ, 10 કિલો બોલ અને એરંડા તેલની એક ડબ્બાની ચોરી થઈ હતી.
(GNS),તા.07
મહેસાણા,
મહેસાણા જિલ્લામાં તસ્કરોથી સ્થાનિકો ચિંતિત છે. અવારનવાર બનતી ચોરીની ઘટનાઓ લોકોને પરેશાન કરી રહી છે અને જાનમાલને નુકસાન પહોંચાડી રહી છે. દરમિયાન વધુ એક ચોરીની ઘટના પ્રકાશમાં આવી છે. જેમાં કડીના મોકાસણ ગામે તસ્કરોની કરિયાણાની દુકાનમાંથી ચોરી થઈ હતી. ચોરીની ઘટનાનો સીસીટીવી વીડિયો સામે આવ્યો છે. જેમાં તસ્કર પણ નજરે પડે છે. દુકાનમાંથી રોકડ રકમની ચોરી કરવાને બદલે તસ્કર કરિયાણાની દુકાનમાંથી ખાંડ, 10 કિલો ગોળ અને એરંડા તેલનો ડબ્બો ચોરી ગયો હતો. આમ, તસ્કરો રોકડની ચોરી કરતા નથી અને બનાવ સંદર્ભે અનેક તર્કવિતર્ક સર્જાયા છે.