મુંબઈઃ સરકારે ચાલુ નાણાકીય વર્ષમાં દેશમાં કેપ્ટિવ અને કોમર્શિયલ કોલ બ્લોકમાંથી 170 કરોડ ટન કોલસાનું ઉત્પાદન કરવાનો લક્ષ્યાંક રાખ્યો છે. બીજી તરફ સરકારે આયાતી કોલસા આધારિત પાવર પ્લાન્ટને ઓક્ટોબર સુધી કાર્યરત રાખવાનો નિર્દેશ આપ્યો છે.
FY2024માં કેપ્ટિવ અને કોમર્શિયલ બ્લોક્સમાંથી 147.2 મિલિયન ટન કોલસાનું ખાણકામ કરવામાં આવ્યું હતું, જે FY2023 કરતાં 26 ટકા વધુ છે.
સરકારી સૂત્રોએ જણાવ્યું કે જેમને કોલ બ્લોક ફાળવવામાં આવ્યા છે તેમને 17 કરોડ ટન કોલસાનું ઉત્પાદન કરવાની ખાતરી આપવામાં આવી છે. દરમિયાન, અન્ય એક અહેવાલ મુજબ, સરકારે આયાતી કોલસા આધારિત પાવર પ્લાન્ટ્સને 15 ઓક્ટોબર સુધીમાં સંપૂર્ણ ક્ષમતા પર કામ કરવા માટે નિર્દેશ આપ્યો છે. અગાઉ આ સૂચના 30 જૂન સુધી હતી.
એવું માનવામાં આવે છે કે સરકારનું આ નોટિફિકેશન ચાલુ વર્ષના ઉનાળામાં વીજળીની વધુ માંગની સંભાવનાને ધ્યાનમાં રાખીને આવ્યું છે. ગત નાણાકીય વર્ષમાં દેશમાં વીજળીની માંગમાં આઠ ટકાનો વધારો જોવા મળ્યો હતો.