(GNS),તા.26
‘સ્વચ્છતા હી સેવા’ અંતર્ગત ચાલી રહેલા સ્વચ્છતા અભિયાનમાં સંસ્થાઓ, આગેવાનો, સરકારી કચેરીઓ, શાળાઓ, કોલેજો, એનજીઓ, સમાજના દરેક વર્ગો સ્વચ્છતા અભિયાનમાં મહત્વપૂર્ણ યોગદાન આપી રહ્યા છે.વધુમાં વધુ લોકો આ અભિયાનમાં જોડાઈ રહ્યા છે. સ્વચ્છતા માટે ગાંધીનગરના ખૂણે-ખૂણે પહોંચી કામગીરી થઈ રહી છે.
આ ઝુંબેશ અંતર્ગત ઇન્સ્ટિટ્યૂટ ઓફ હોટેલ મેનેજમેન્ટ અને ગાંધીનગર મ્યુનિસિપલ કોર્પોરેશનના સંયુક્ત ઉપક્રમે 26મી ઓક્ટોબરના રોજ સ્વચ્છતા અભિયાન હાથ ધરવામાં આવ્યું હતું. જેમાં હોટેલ મેનેજમેન્ટ સ્ટાફ, વિદ્યાર્થીઓ અને મહાનગરપાલિકાના કર્મચારીઓએ ભાગ લીધો હતો.
આ ઉપરાંત ‘સ્વચ્છતા હી સેવા’ કાર્યક્રમ અંતર્ગત ગાંધીનગર જિલ્લાના કોલવડા ગામે આવેલી સ્ટેટ મોડલ આયુર્વેદિક કોલેજ અને હોસ્પિટલ ખાતે કોલેજ સ્ટાફ, વિદ્યાર્થીઓ તેમજ NSS યુનિટના સ્ટાફ અને સફાઈ કામદારો દ્વારા સ્વચ્છતા અભિયાનનું આયોજન કરવામાં આવ્યું હતું.