મતદાનનો દિવસ હોવાથી વકીલો કોર્ટની કાર્યવાહીથી દૂર રહ્યા હતા.
(GNS),તા.22
અમદાવાદ,
ગુજરાતના તમામ બાર એસોસિએશનની આજે ચૂંટણી છે. બાર કાઉન્સિલ દ્વારા 272 એસોસિએશનની ચૂંટણીઓ જાહેર કરવામાં આવી છે. એસોસિએશનના પ્રમુખ, ઉપપ્રમુખ અને સેક્રેટરી સહિત વિવિધ પદો માટે મતદાન થવાનું છે. ગુજરાત હાઈકોર્ટ એડવોકેટ એસોસિએશન માટે પણ મતદાન યોજાશે. ગુજરાતના તમામ બાર એસોસિએશન અને રાજ્યના સૌથી મોટા બાર એસોસિએશન એટલે કે ક્રિમિનલ બાર એસોસિએશનમાં પણ મતદાન થઈ રહ્યું છે. હાઈકોર્ટના એડવોકેટ એસોસિએશન માટે પણ મતદાન યોજાઈ રહ્યું છે. મતદાન સવારે 10 વાગ્યાથી શરૂ થશે અને સાંજે 5 કલાક સુધી ચાલશે. આ મતદાન બેલેટ પેપર દ્વારા કરવામાં આવી રહ્યું છે. મતદાનનો દિવસ હોવાથી વકીલો કોર્ટની કાર્યવાહીથી દૂર રહ્યા છે. ચૂંટણી બાદ આજે જ પરિણામ જાહેર થશે.