સતત ત્રીજા દિવસે ઠંડા ઉત્તરીય પવનો વચ્ચે ઠંડીમાં વધારો થયો હતો. રવિવારે ડીસામાં તાપમાનમાં દોઢ ડિગ્રીનો ઘટાડો થયો હતો અને છ દિવસ બાદ તાપમાન 11 ડિગ્રીથી નીચે ગયું હતું. તાપમાનનો પારો 10.6 થી 13.8 ડિગ્રીની વચ્ચે રહેતાં ઉત્તર ગુજરાતનાં પાંચ મુખ્ય શહેરોએ ઠંડીનો અનુભવ કર્યો હતો. દિવસ દરમિયાન પણ ઠંડા પવનની અસર જોવા મળી હતી. મુખ્ય 5 શહેરોમાં તાપમાન 27 ડિગ્રીની આસપાસ રહ્યું હતું. આગાહી અનુસાર, આ ઠંડીનો તબક્કો આગામી 5 દિવસ સુધી આંશિક વાદળછાયું આકાશ સાથે ચાલુ રહેવાની શક્યતા છે.