તાલિબાનનું નવું ફરમાન, ધોરણ-3 પછી છોકરીઓના શિક્ષણ પર પ્રતિબંધ
ડિજિટલ ડેસ્ક આખું અફઘાનિસ્તાન હવે તાલિબાનના શાસન હેઠળ છે. દરરોજ તાલિબાન તરફથી દેશના લોકો માટે નવા ઓર્ડર આવી રહ્યા છે. ખાસ કરીને અફઘાન મહિલાઓ વિરુદ્ધ ફરમાનોની સંખ્યા સતત વધી રહી છે.
પ્રતિબંધો પણ ખૂબ વધી રહ્યા છે. બ્યુટી પાર્લર, ફિલ્મો અને સંગીતનાં સાધનો પર પણ નિયંત્રણો લાદવામાં આવ્યા છે. હવે નવા હુકમનામા હેઠળ, તાલિબાને દેશભરમાં ધોરણ 3 અથવા 10 વર્ષની વયની છોકરીઓ માટે ફરજિયાત બનાવ્યું છે. તેમને શાળાએ જવા પર પ્રતિબંધ મુકવામાં આવ્યો છે. કન્યા કેળવણી પર ધોરણ-3 થી પ્રતિબંધ મુકવામાં આવ્યો છે.
અફઘાનિસ્તાનની ભૂતપૂર્વ સ્ટુડન્ટ્સનું કહેવું છે કે જે છોકરીઓ ઊંચી અને 10 વર્ષથી વધુ ઉંમરની છે તેમને સ્કૂલમાં પ્રવેશ આપવામાં આવતો નથી.
ગયા વર્ષે ડિસેમ્બરમાં તાલિબાન અધિકારીઓએ શૈક્ષણિક સંસ્થાઓમાં મહિલાઓ પર પ્રતિબંધની જાહેરાત કરી હતી. જેની વિદેશી સરકારો દ્વારા સખત નિંદા કરવામાં આવી હતી.
તાલિબાને આ પ્રતિબંધનો અમલ કરવાનો દાવો કર્યો છે. અફઘાનિસ્તાનની તાલિબાન સરકારે ફેબ્રુઆરીમાં ગર્ભનિરોધક દવાઓના વેચાણ પર પ્રતિબંધ મૂક્યો હતો. તાલિબાની સરકારના મતે, ગર્ભનિરોધક એ પશ્ચિમી દેશોની મુસ્લિમ વસ્તીને રોકવાની એક યુક્તિ છે.