થરાદ તાલુકાના દુધવા ગામ પાસે સેલકે કન્સ્ટ્રકશન કંપની દ્વારા ટ્રાફિક સર્વે કરવામાં આવી રહ્યો છે. દરમિયાન ગત તારીખે કંપનીના કર્મચારીએ ટ્રાફિક સર્વે સિસ્ટમને એક બોક્સમાં ફીટ કરી દુધવા નજીકના ભારતમાલા રોડ પર ટ્રાફિક સર્વે સિસ્ટમ લગાવી હતી.
આ ટ્રાફિક વ્યવસ્થાના ઇન્ચાર્જ સ્ટાફે સાંજે આઠ વાગ્યે વ્યવસ્થા શરૂ કરી હતી અને બીજા દિવસે સવારે તેમના કેમ્પમાં આરામ કરવા માટે ગયા હતા. 29/6/2023 ના રોજ ટ્રાફિક વ્યવસ્થા તપાસતી વખતે ત્યાંથી લોખંડની પેટી મળી આવી હતી. અને તમામ સાધનો ગાયબ હતા. કર્મચારીએ તેના ઉપરી અધિકારીને આ બાબતની જાણ કરી અને કંપનીએ અંદાજે રૂ. 3,08,796ની કિંમતના માલસામાનની ચોરી થઈ હોવાનું જાણવા મળ્યું છે.