શહેરની સંકુજ હોસ્પિટલ દ્વારા પાટણ એસટી બસ ડેપો ખાતે બોડી ચેકઅપ કેમ્પનું આયોજન કરવામાં આવ્યું હતું. જેમાં 146 કર્મચારીઓએ લાભ લીધો હતો. પાટણ ડેપોના 30 કર્મચારીઓને 300થી વધુ લોકો ડાયાબિટીસની બિમારીથી પીડિત હોવાથી ડોક્ટરની દવા લેવા તાકીદ કરાઈ હતી. પાટણ એસટી ડેપો ખાતે સંકુજ હોસ્પિટલ દ્વારા ગઈકાલે ડેપોમાં કર્મચારીઓ માટે શારીરિક તપાસ કેમ્પનું આયોજન કરવામાં આવ્યું હતું. પાટણ ડેપોના ડ્રાઇવર, કંડક્ટર અને વર્કશોપ સ્ટાફ સહિત 146 કર્મચારીઓને તેનો લાભ મળ્યો હતો. ત્યારે આ કેમ્પમાં ડાયાબીટીસ બીપી ઓક્સિજન પલ્સ વેઈટ ચેક કરવામાં આવ્યું હતું. ત્યારે આવા 30 કર્મચારીઓ પર ધ્યાન દોરવામાં આવ્યું હતું જેમની ડાયાબિટીસ વધીને 300થી વધુ થઈ ગઈ હતી. જ્યારે બીપીમાં 10 કર્મચારીઓ 200 પ્લસ ચેકઅપમાં મળી આવ્યા હતા જ્યારે ઓક્સિજનમાં 100 પ્લસ બે કર્મચારી ચેકઅપમાં જોવા મળ્યા હતા. અન્ય કર્મચારીઓની હાલત સામાન્ય હોવાનું જાણવા મળ્યું હતું. જેમાં તબીબે કર્મચારીને ડાયાબીટીસ અને બીપી નાડીની દવા લખી અને તબીબ દ્વારા ચેકઅપ કરાવવાની સલાહ આપી હતી. ધવલભાઈ ડોડીયા તથા હોસ્પિટલની લેબોરેટરી ટીમ, પાટણ ડેપો મેનેજર વિપુલભાઈ રાવલ, એ.ડબલ્યુ. મનોજભાઇ મહંત, ડેપોના ટીઆઇ ગોસ્વામી, એટીઆઇ ઇન્દ્રજીતસિંહ, એસટીના ત્રણ યુનિયનના હોદ્દેદારો ઉપસ્થિત રહ્યા હતા.