મહોર નદી દેરોલી-સાથંબા રોડ પર બાયડ તાલુકામાંથી પસાર થાય છે. જિલ્લામાં બે દિવસથી પડી રહેલા ભારે વરસાદ અને ઉપરવાસમાં પડેલા વરસાદને કારણે મહોર નદીમાં પાણીનો ભારે પ્રવાહ આવ્યો છે અને તે ઘોડાપુર સુધી પહોંચી ગયું છે. પાણીમાં ડૂબી જતા ઉપરના છ થી સાત ગામો સંપર્ક વિહોણા બન્યા છે. વિદ્યાર્થીઓ પણ એક ગામથી બીજા ગામમાં જઈ શકતા ન હતા. લોકોને પોતાના કામ માટે ખેતરમાં જવા માટે પણ નદી પાર કરવી પડે છે. ત્યારે આ અલગ થવાના કારણે બંને તરફના ગ્રામજનોને ભારે હાલાકીનો સામનો કરવો પડે છે. દેરોલી પાસે મહાર નદી પર પુલ બનાવવામાં આવે તેવી માંગ ઉઠી છે.