મંગળવારે (8 ઓગસ્ટ) શેરબજારમાં પ્રારંભિક ખરીદી જોવા મળી છે. સકારાત્મક વૈશ્વિક સંકેતો વચ્ચે ફ્લેટ કારોબાર જોવા મળી રહ્યો છે. GIFT NIFTY લીલા રંગમાં ખુલ્યો અને 19700 ની નજીક ટ્રેડ થઈ રહ્યો છે. આ અગાઉ 7 ઓગસ્ટ સોમવારે સત્રના અંતે સેન્સેક્સ 232.23 અંક અનુસાર 0.35% તેજી સાથે 65,953.48 અને Nifty 80.30 પોઇન્ટ અનુસાર 0.41% ઉછાળા સાથે 19,597.30 પાર બંધ થયો હતો. એશિયાઈ બજારોમાં જાપાનનો નિક્કાઈ અને કોરિયાનો કોસ્પી ઈન્ડેક્સ પણ લગભગ 1.5 ટકાની મજબૂતી સાથે કારોબાર કરી રહ્યો છે. યુએસ માર્કેટ ગઈ કાલે 1.25 ટકા સુધી વધીને બંધ થયું હતું. આ પહેલા ભારતીય બજારોમાં ગઈકાલે સતત બીજા દિવસે પણ ઉછાળો જોવા મળ્યો હતો. BSE સેન્સેક્સ 232 પોઈન્ટ વધીને 65,953 પર બંધ રહ્યો હતો.
અમેરિકાના મેરી બજારોની સ્થિતિ પર જો એક નજર ફેરવી જણાવીએ તો, યુ.એસ.માં 3-દિવસના ઘટાડા પર બ્રેક લાગી, ડાઉ 400 પોઈન્ટના અદભૂત ઉછાળા સાથે દિવસના ઉચ્ચ સ્તરે બંધ થાય છે.. ડાઉનો 7 સપ્તાહમાં સૌથી મોટો ઇન્ટ્રાડે ઉછાળો જોવા મળ્યો, મોટાભાગના ક્ષેત્રોમાં ખરીદી જોવા મળી, 10-વર્ષનું બોન્ડ યીલ્ડ 4% થી વધુ સ્થિર રહ્યું, આલ્ફાબેટ 2.7% વધ્યો, મેટા 2% વધ્યો, એપલનો સ્ટોક 1.7% ઘટ્યો, હવે આઇફોનનું વેચાણ ઘટવાના ડરથી એપલ દબાણ હેઠળ છે.
વૈશ્વિક કોમોડિટી માર્કેટની સ્થિતિ પર જો એક નજર ફેરવી જણાવીએ તો, ડૉલર ઇન્ડેક્સ 102ની નજીક સ્થિર છે, ક્રૂડ ઓઈલ 4 મહિનાની ઊંચાઈએથી સરકી ગયું, બ્રેન્ટ 1% ઘટીને $86 ની નીચે, સોનામાં શોર્ટ રેન્જ ટ્રેડિંગ પર, ચાંદી 1 મહિનાની નીચી સપાટીએ પહોંચી, બેઝ મેટલ્સની ધીમી હિલચાલ જોવા મળી અને સાથે જ એગ્રી કોમોડિટીઝમાં મિશ્ર કારોબાર જોવા મળ્યો.