(GNS),10
રાજ્યમાં વરસાદનો બીજો રાઉન્ડ બરાબર જામી ગયો છે. સૌરાષ્ટ્ર-કચ્છ સહિત રાજ્યના અનેક જિલ્લાઓમાં મનમૂકીને ઓળખાતા મેહુલિયો વરસાદ વરસી રહ્યો છે. આ સાથે હવામાન વિભાગે આગામી 3 દિવસ સુધી ભારેથી અતિભારે વરસાદની આગાહી કરી છે. હવામાન વિભાગના જણાવ્યા અનુસાર આજે રાજ્યના તમામ જિલ્લાઓમાં વરસાદની આગાહી છે. પરંતુ આણંદ અને ભરૂચમાં ભારેથી અતિભારે વરસાદ પડી શકે છે. હવામાન વિભાગના જણાવ્યા અનુસાર આજે બનાસકાંઠા, સાબરકાંઠા, પાટણ, મહેસાણા, ગાંધીનગર, અરવલ્લી, અમદાવાદ, ખેડા, દાહોદમાં મધ્યમથી ભારે વરસાદની સંભાવના છે. પંચમહાલ, વડોદરા, છોટાઉદેપુર, નર્મદા, સુરત, તાપી, નવસારી, વલસાડ, ડાંગ, કચ્છ, સુરેન્દ્રનગર, મોરબી, બોટાદ, રાજકોટ, જામનગર, દ્વારકા, પોરબંદર, ગીર સોમનાથ, જૂનાગઢ, અમરેલી, ભાવનગરના મોટાભાગના વિસ્તારોમાં વરસાદની આગાહી કરવામાં આવી છે. . ભારે વરસાદને કારણે રાજ્યમાં 51 રસ્તાઓ બંધ છે. જેમાં 34 પંચાયત હસ્તકના રસ્તાઓ બંધ છે. જૂનાગઢમાં સૌથી વધુ 10 રસ્તાઓ બંધ છે. રાજકોટમાં બે હાઈવે અને કચ્છમાં એક નેશનલ હાઈવે બંધ છે.