સાંતલપુર તાલુકાના ગોખતર ગામની નવા બનાસ અને વઢીયા પ્રાથમિક શાળાના બાળકોને રાધનપુર નગરપાલિકાના પૂર્વ ચેરમેન મહેશભાઈ દ્વારા તેમના માતા કાંતા બેનની પ્રથમ પુણ્યતિથિ નિમિત્તે ગોખતર ગામની ખાનગી શાળામાં સારી ગુણવત્તાના સ્વેટરનું વિતરણ કરવામાં આવ્યું હતું. . આ કાર્યમાં મદદ કરવા આજે રાજુભાઈ પંચાલ મદારસિંહ ગોહિલ, જગદીશપુરી અને અશોકભાઈ પ્રજાપતિ હાજર રહ્યા હતા.
બાળક એ ભગવાનનું સ્વરૂપ છે. માતા-પિતાની શેષ સેવા એટલે આર્થિક રીતે પછાત શાળાના બાળકો. આવા બાળકોની સેવા એ સાચી સેવા છે. તેમ મહેશભાઈએ તેમના વક્તવ્યમાં જણાવ્યું હતું. સમગ્ર કાર્યક્રમની શુભ શરૂઆત ગોખતર ગામની ખાનગી શાળાથી કરવામાં આવી હતી. જેમાં ગ્રામજનો ઉપસ્થિત રહ્યા હતા. સમગ્ર કાર્યક્રમનું સંચાલન ગોમગામડી ખાનગી શાળાના મુખ્ય શિક્ષક મદારસિંહ ગોહિલે કર્યું હતું આભારવિધિ ભગવાનભાઈ પટેલે કરી હતી.