પોલીસ કર્મચારી પર ડેપોના કર્મચારી પર હુમલો કરવાનો આરોપ
(GNS),તા.30
વડોદરા
વડોદરાના પાદરમાં SOG પોલીસ કર્મચારી પર દાદાગીરીનો આરોપ લાગ્યો છે. ડ્રાઇવરને બચાવવા જતાં પોલીસ કર્મચારીઓએ સરકારી કર્મચારી પર હુમલો કર્યો હોવાનો આક્ષેપ થયો છે. પાદરા એસટી ડેપોમાં એક ડ્રાઈવરે પોતાનું વાહન ગેરકાયદેસર રીતે પાર્ક કર્યું હતું. જેને દૂર કરવા એસટી ડેપોના કર્મચારીએ જણાવ્યું હતું. જેથી એસઓજી પોલીસ કર્મચારીએ આવીને એસટી વિભાગના કર્મચારી સાથે બોલાચાલી કરી તેને માર માર્યો હતો. એક પોલીસ કર્મચારીનો એસટી કર્મચારી સાથે ઝઘડો કરતો વીડિયો પણ વાયરલ થયો છે. સમગ્ર ઘટના બાદ એસટી વિભાગના કર્મચારીઓએ પોલીસ કર્મચારીઓ સામે ફરિયાદ નોંધાવી છે અને જો ન્યાય નહીં મળે તો ઉગ્ર આંદોલન કરવાની ચીમકી આપી છે.