(જીએનએસ), 28
વડોદરામાં નિવૃત ડેપ્યુટી કલેક્ટરનો નશાની હાલતમાં અકસ્માત સર્જાયો હતો. જે બદલ માંજલપુર પોલીસે અકસ્માત સર્જન છોટાઉદેપુરમાંથી ડેપ્યુટી કલેક્ટર પદેથી નિવૃત થયેલા નવીન ભટ્ટની ધરપકડ કરી હતી. વડોદરામાં નિવૃત ડેપ્યુટી કલેકટરે સનસીટી સર્કલ પાસે રોંગ સાઈડમાં હંકારીને સામેથી આવતી બીજી કાર સાથે અકસ્માત સર્જયો હતો. જો કે સદનસીબે અકસ્માતમાં કોઈ જાનહાનિ થઈ ન હતી. અકસ્માતને પગલે લોકોના ટોળા એકઠા થઈ ગયા હતા. ઘટનાની જાણ થતા પોલીસ ઘટના સ્થળે પહોંચી હતી. પોલીસે કાર ચાલક નવીન ભટ્ટની તપાસ કરતાં તે નશાની હાલતમાં મળી આવ્યો હતો. જે બાદ પોલીસે નવીન ભટ્ટનું મેડિકલ ચેકઅપ કરાવ્યું હતું. જાન્યુઆરીમાં છોટાઉદેપુરથી ડેપ્યુટી કલેક્ટર તરીકે નિવૃત થયેલા નવીન ભટ્ટ માંજલપુરની ચંદ્રલોક સોસાયટીમાં રહે છે. હાલ પોલીસે સમગ્ર મામલે ગુનો નોંધી કાર કબજે કરી લીધી છે.