ગુજરાતના યુવા ઉદ્યોગસાહસિક અને ‘AIRX ટેકનોલોજી’ સ્ટાર્ટઅપના સ્થાપક અને CEO શ્રી શનિ પંડ્યા દ્વારા સંશોધિત
પ્રોડક્ટ માર્કેટમાં લૉન્ચ થાય તે પહેલાં UAE અને સિંગાપોરથી એડવાન્સ બુકિંગ કરાવ્યું – શ્રી શનિ પંડ્યા
(GNS),13
ગાંધીનગર,
વાઇબ્રન્ટ ગુજરાત ગ્લોબલ સમિટ 2024 અંતર્ગત ગાંધીનગરમાં વાઇબ્રન્ટ ગુજરાત ગ્લોબલ ટ્રેડ શોનું આયોજન કરવામાં આવ્યું હતું. આ ટ્રેડ શોમાં વિશ્વના 20 દેશોના 1 હજારથી વધુ પ્રદર્શકોએ ભાગ લીધો હતો. ગુજરાતના યુવા ઉદ્યોગસાહસિક અને ‘એરએક્સ ટેક્નોલોજી’ સ્ટાર્ટઅપના સ્થાપક શનિ પંડ્યા દ્વારા સંશોધિત કરાયેલી સોલાર ટાઇલ્સ મુલાકાતીઓ માટે આકર્ષણનું કેન્દ્ર બની હતી. આ પ્રોડક્ટને માર્કેટમાં લૉન્ચ કરતા પહેલા UAE અને સિંગાપોરથી એડવાન્સ ઓર્ડર મળ્યા છે.
આ સોલાર ટાઈલ્સ વિશે માહિતી આપતાં શ્રી શનિ પંડ્યાએ જણાવ્યું કે આ સોલાર ટાઈલ્સ વિકસાવવામાં તેમને લગભગ 2 વર્ષ લાગ્યાં છે. આ ટાઇલ્સ ખૂબ જ કાર્યક્ષમ છે અને મોટા પ્રમાણમાં વીજળી ઉત્પન્ન કરી શકે છે. આ સોલાર ટાઇલ્સ ટેક્નોલોજી ભારતના ટકાઉ ભવિષ્ય તરફ એક મહત્વપૂર્ણ પગલું છે. આ ટેકનોલોજી નવીનતા, પર્યાવરણીય જાગૃતિ અને સામાજિક જવાબદારીનું ઉત્તમ ઉદાહરણ પૂરું પાડે છે.