(GNS),તા.20
ગાંધીનગર,
સ્પોર્ટ્સ ઓથોરિટી ઓફ ગુજરાત અને જિલ્લા રમતગમત અધિકારી, ગાંધીનગર દ્વારા રાજ્યકક્ષાની શાળાકીય અન્ડર-14 હેન્ડબોલ ગર્લ્સ સ્પર્ધાનું આયોજન પી.કે.ચૌગરી મહિલા કોલેજ, સેક્ટર-7, ગાંધીનગર ખાતે કરવામાં આવ્યું હતું. આ બે દિવસીય બહેનોની હેન્ડબોલ સ્પર્ધાનું ઉદ્ઘાટન ગાંધીનગર પ્રાંત અધિકારી શ્રી બ્રિજેશ મોડીયાનાના હસ્તે કરવામાં આવ્યું હતું. આ હેન્ડબોલ સ્પર્ધામાં રાજ્યની 30 ટીમોએ ભાગ લીધો હતો. આ સ્પર્ધાની ફાઇનલ મેચ આજે છે. 20મી નવેમ્બરના રોજ જૂનાગઢ ગ્રામ્ય અને ભાવનગર ગ્રામ્ય વચ્ચે આયોજન કરવામાં આવ્યું હતું. આ રોમાંચક મેચમાં જૂનાગઢ ગ્રામ્યની ટીમનો વિજય થયો હતો.