કોલકાતા નાઈટ રાઈડર્સે રોમાંચક મેચમાં સનરાઈઝર્સ હૈદરાબાદને 4 રને હરાવ્યું છે. હેનરિક ક્લાસેનની વિસ્ફોટક ઇનિંગ્સ છતાં હૈદરાબાદ મેચ હારી ગયું. એક સમયે આ મેચ હૈદરાબાદના હાથમાંથી નીકળી ગઈ હતી, પરંતુ ત્યાર બાદ શાહબાઝ અહેમદ અને ક્લાસેન વચ્ચે 15 બોલમાં 58 રનની શાનદાર ભાગીદારી થઈ હતી. પરંતુ અંતે હૈદરાબાદને નિરાશા હાથ લાગી હતી.
IPLની ત્રીજી મેચમાં કોલકાતા નાઈટ રાઈડર્સે સનરાઈઝર્સ હૈદરાબાદને જીતવા માટે 209 રનનો ટાર્ગેટ આપ્યો હતો. જવાબમાં હૈદરાબાદ 6 વિકેટે 204 રન જ બનાવી શકી હતી. ક્લાસને છેલ્લા 13 બોલમાં 8 સિક્સર ફટકારી હતી. અબ્દુલ સમદ 15 રન બનાવીને આઉટ થયો હતો. તે આન્દ્રે રસેલને વેંકટેશ ઐયરના હાથે કેચ આઉટ કરાવ્યો હતો. જ્યારે રાહુલ ત્રિપાઠી 20 બોલમાં 20 રન બનાવીને આઉટ થયો હતો. તે હર્ષિત રાણાના હાથે સુનીલ નરેલના હાથે કેચ થયો હતો. એડન માર્કરામ 13 બોલમાં 18 રન બનાવીને આઉટ થયો હતો.
વરુણ ચક્રવર્તીએ તેને રિંકુ સિંહના હાથે કેચ કરાવ્યો હતો. અભિષેક શર્મા 19 બોલમાં 32 રન બનાવીને આઉટ થયો હતો. તેને આન્દ્રે રસેલ વરુણ ચક્રવર્તીના હાથે કેચ આઉટ કરાવ્યો હતો. આજની મેચમાં આન્દ્રે રસેલે 25 બોલમાં 64 રનની શાનદાર ઇનિંગ રમી અને બે વિકેટ પણ લીધી. હર્ષિત રાણાએ મયંક અગ્રવાલને રિંકુ સિંહના હાથે કેચ કરાવ્યો હતો. મયંક અગ્રવાલ 32 રન બનાવીને આઉટ થયો હતો.
કોલકાતા તરફથી આન્દ્રે રસેલે અણનમ 64 રનની વિસ્ફોટક ઇનિંગ રમી હતી જ્યારે ફિલ સોલ્ટે 54 રન બનાવ્યા હતા. રમનદીપ સિંહે 35 રન અને રિંકુ સિંહે 23 રનનું યોગદાન આપ્યું હતું. ટી નટરાજને ત્રણ વિકેટ લીધી હતી. હેનરિચ ક્લાસને 29 બોલમાં શાનદાર 63 રન ફટકાર્યા હતા પરંતુ તે પોતાની ટીમને જીત સુધી લઈ જઈ શક્યો ન હતો.