અમદાવાદ. આંતરરાષ્ટ્રીય સ્તરે એલન કેરિયર ઇન્સ્ટિટ્યૂટના વિદ્યાર્થીઓએ ફરી એકવાર પોતાની શ્રેષ્ઠતા સાબિત કરી છે. એલન અમદાવાદના સેન્ટર હેડ પંકજ બાલ્દીએ જણાવ્યું હતું કે, 56મા ઇન્ટરનેશનલ ફિઝિક્સ ઓલિમ્પિયાડ(IPhO) 2026 માટે જાહેર કરાયેલી પાંચ સભ્યોની ભારતીય ટીમમાં એલન અમદાવાદનો વિદ્યાર્થી સ્વરિત જોશી પણ સામેલ છે. IPhO 2026: ALLEN Gujarat’s Swarit Joshi
56મું IPhO ફાઈનલ4 જુલાઈ થી12 જુલાઈ2026 દરમિયાન બુકરામાંગા, કોલંબિયા ખાતે યોજાશે, જેમાં વિશ્વભરના પ્રતિભાશાળી યુવા વૈજ્ઞાનિકો ભાગ લેશે. બાલ્દીએ જણાવ્યું કે પાંચ સભ્યોની ભારતીય ટીમમાં ચાર સભ્યો એલન કેરિયર ઇન્સ્ટિટ્યૂટના છે, જેમાંથી એક અમદાવાદનો સ્વરિત છે. એલનમાંથી પસંદ થયેલા વિદ્યાર્થીઓમાં કનિષ્ક જૈન, રિદ્ધેશ બેન્ડાલે, રિશિત ગર્ગ અને સ્વરિત જોશીનો સમાવેશ થાય છે.
આ તમામ એલનના રેગ્યુલર ક્લાસરૂમ વિદ્યાર્થીઓ છે. સ્વરિત ધોરણ11 માં છે અને અન્ય વિદ્યાર્થીઓ ધોરણ12 માં છે. સ્વરિત ધોરણ6 થી એલન અમદાવાદમાં રેગ્યુલર ક્લાસરૂમ વિદ્યાર્થી તરીકે અભ્યાસ કરી રહ્યો છે.
IPhO પસંદગી પ્રક્રિયા ચાર તબક્કામાં પૂર્ણ થાય છે. પ્રથમ તબક્કા નેશનલ સ્ટાન્ડર્ડ એક્ઝામિનેશન ઇન ફિઝિક્સ(NSEP) માં એલનના138 વિદ્યાર્થીઓ બીજા તબક્કા માટે પસંદ થયા હતા.
ત્યારબાદ બીજા તબક્કા ઇન્ડિયન નેશનલ ફિઝિક્સ ઓલિમ્પિયાડ (INPhO) માં એલનના20 વિદ્યાર્થીઓએ ત્રીજા તબક્કા ઓરિએન્ટેશન-કમ-સિલેક્શન કેમ્પ(OCSC) માં સ્થાન મેળવ્યું હતું, જ્યાં પાંચ સભ્યોની ભારતીય ટીમની પસંદગી કરવામાં આવી હતી, જેમાંથી ચાર વિદ્યાર્થીઓ એલન ઇન્સ્ટિટ્યૂટના છે. તેઓ56મા ઇન્ટરનેશનલ ફિઝિક્સ ઓલિમ્પિયાડમાં ભારતનું પ્રતિનિધિત્વ કરશે.
સ્વરિત ના નામે છે મજબૂત એકેડેમિક રેકોર્ડ
સ્વરિત જોશીની આ સફળતા તેના મજબૂત શૈક્ષણિક રેકોર્ડ અને સતત શ્રેષ્ઠ પ્રદર્શનનું પરિણામ છે. તેણે વર્ષ 2022-23 માં નેશનલ સાયન્સ ટેલેન્ટ સર્ચ એક્ઝામિનેશન(NSTSE) માં ઓલ ઈન્ડિયા રેન્ક 20 મેળવ્યો હતો.
આ સાથે તે મેથેમેટિકલ ઓલિમ્પિયાડ અંતર્ગતIOQM (2023-24) અનેRMO (2024-25) માટે પણ ક્વોલિફાય થયો છે. સ્વરિત એ નેશનલ મેથેમેટિક્સ ટેલેન્ટ કોન્ટેસ્ટ(NMTC) ની પ્રિલિમ્સ પણ સતત ત્રણ વર્ષ (2022-23, 2023-24 અને2024-25) સુધી સફળતાપૂર્વક પાસ કરી છે.
વર્ષ 2023 માં તેણે વિદ્યાર્થી વિજ્ઞાન મંથન (VVM) માં ઉત્કૃષ્ટ પ્રદર્શન કરીને નેશનલ લેવલ કેમ્પ(ઝોનલ અચીવર) માં સ્થાન મેળવ્યું હતું. આ ઉપરાંત, તેણે ધોરણ10 (2024-25) માં નેશનલ સ્ટાન્ડર્ડ એક્ઝામિનેશન ઇન એસ્ટ્રોનોમી(NSEA) પણ ક્વોલિફાય કરીને પોતાની વૈજ્ઞાનિક સમજ અને બહુમુખી પ્રતિભાનો પરિચય આપ્યો છે.
