(એજન્સી)ગાંધીનગર, ગાંધીનગર પોલીસે બે સ્થળેથી દારૂના જંગી જથ્થા સામે બે લકઝયુરીયસ કાર સહિત કુલ રૂ.૩૦ લાખનો મુદામાલ ઝડપી લીધો છે. તેમાં અદાણી શાંતિગ્રામ ઓવરબ્રીજ પાસે ફોર્ચ્યુનર કારમાંથી દારૂની રપ૯ર બોટલો અને રામસણ નજીક કારમાંથી દારૂની ર૬૬૮ બોટલના જથ્થાનો સમાવેશ થાય છે. ગાંધીનગર એલસીબીની ટીમે રશાત્રે ખોરજ ગામની સીમમાં અદાણી શાંતીગ્રામ ઓવરબ્રીજ પાસેથી વિદેશી દારૂ ભરેલી ફોર્ચ્યુનર કાર ઝડપી પાડી હતી.
પરંતુ હંમેશાની જેમ પોલીસને ચકમો આપી બુટલેગરો છુમંતર થઈ ગયો હતો. પીઆઈ એચ.પી. પરમારની ટીમે મળેલી બાતમીના આધારે જાસપુર વિશ્વ ઉમીયાધામ મંદીર પાસે નાકાબંધી કરી હતી. શંકાસ્પદ ફોચ્યુનર કાર આવતા પોલીસે તેને રોકવાનો પ્રયાસ કર્યો હતો.
પરંતુ ચાલકે કાર ભગાવી મુકતા તેને રોકવા પોલીસ કર્મચારીઓએ લાકડી વડે બળપ્રયોગ કરતા કારના કામ પણ તુટી ગયા હતા. પોલીસે પીછો કરતા ચાલક અદાણી શાતિગ્રામ ઓવરબ્રીજ પાસે ચાલુ વાહન મુકીને ગાયબ થઈ ગયો હતો.
પોલીસને કારમાંથી દારૂની રપ૯ર બોટલ મળી હતી. તેની અંદાજે કિમત રૂ.૪,૬૬,પ૬૦ થાય છે. પોલીસે કાર સહીત ૧૪.૬૬ લાખનો મુદામાલ જપ્ત કર્યો હતો. જયારે સ્ટેટ મોનીટરીગ સેલની ટીમે બનાવટી નંબર પ્લેટવાળી કારનો પીછો કરી રણસણ પાસે ઝડપી પાડતા અંદરથી ર૬૬૮ નંગ વિદેશી દારૂની બોટલનો જથ્થો મળી આવ્યો હતો.
