(પ્રતિનિધિ) અમદાવાદ, જો તમે અમદાવાદના રોડ ઉપર ચાલતા હોવ તો હવે સાચવીને ચાલજો કારણ કે ગમે ત્યારે રોડ પર મોટો ખાડો પડી જાય અને તમે તેમાં પડી શકો છો. શહેરના વટવા વિસ્તારમાં બીબી તળાવ પાસે એક યુવક બાઈક લઈને પસાર થતો હતો ત્યારે અચાનક જ મોટો ભુવો (ખાડો) પડ્યો હતો અને બાઈક સાથે યુવક અંદર ખાબક્યો હતો.
ટ્રાફિકથી ધમધમતા રોડ ઉપર અચાનક જ રોડમાં ભૂવો પડ્યો હતો જેના કારણે વાહન ચાલકો રોકાઈ ગયા હતા. ફાયર બ્રિગેડની ટીમને જાણ કરવામાં આવતા ટીમ ઘટના સ્થળ ઉપર પહોંચી હતી અને ખાડામાં પડેલા યુવકને બહાર કાઢી સારવાર અર્થે હોસ્પિટલ મોકલી આપવામાં આવ્યો હતો. યુવકનું બાઈક પણ ફાયર બ્રિગેડ એ દોરડા વડે બહાર કાઢ્યું હતું.
અમદાવાદ મ્યુનિસિપલ કોર્પોરેશનની બેદરકારીના કારણે યુવકનો જીવ જતા રહી ગયો હતો. શહેરના વટવા વિસ્તારમાં બીબી તળાવ પાસે એક સામાન્ય ખાડો પડ્યો હતો જે ખાડાને મીનિસિપલ કોર્પોરેશનના દક્ષિણ ઝોનના ઇજનેર વિભાગ દ્વારા સમયસર રીપેરીંગ કરવામાં આવ્યો નહીં ત્યારે 5-05-2026ના રોજ રાત્રે અંકિત યાદવ નામનો યુવક બાઈક લઈને રોડ પરથી પસાર થયો હતો
ત્યારે અચાનક જ રોડ પર મોટો ભુવો(ખાડો) પડ્યો હતો અને બાઈક સાથે પોતે ગરકાવ થઈ ગયો હતો. અચાનક જ રોડ પર મોટો ખાડો પડ્યો અને બાઈક સાથે યુવક અંદર પડી જતા રોડ પરથી પસાર થતાં વાહન ચાલકો પણ રોકાઈ ગયા હતા.
સ્થાનિક લોકોના ટોળા ભેગા થઈ ગયા અને તાત્કાલિક ધોરણે ફાયર બ્રિગેડની ટીમને અને પોલીસને જાણ કરવામાં આવી હતી. પોલીસ તેમજ ફાયરબ્રિટીની ટીમ પહોંચી ત્યાં સુધીમાં સ્થાનિક લોકો દ્વારા આસપાસમાં પડેલા કોર્પોરેશનના બેરીપેડિંગ ને લગાવી દીધા હતા
જેથી અન્ય કોઈ વ્યક્તિ નજીક જાય નહીં અને મોટો ખાડો પડે તો તેમાં પડે નહીં. ફાયર બ્રિગેડ ની ટીમ તાત્કાલિક ઘટના સ્થળ ઉપર પહોંચી હતી ફાયર બ્રિગેડએ સૌપ્રથમ ખાડામાં પડેલા અંકિત યાદવને બહાર કાઢ્યો હતો અને બાઈકને પણ દોરડા વડે ખેંચીને બહાર કાઢી લીધું હતું. ઇજાગ્રસ્ત થયેલા અંકિત યાદવને સારવાર માટે તાત્કાલિક હોસ્પિટલ ખસેડવામાં આવ્યો હતો
સ્થાનિક સૂત્રો પાસેથી મળતી માહિતી મુજબ 27 એપ્રિલના રોજ સ્થાનિક નાગરિક દ્વારા ડેપ્યુટી સીટી ઇજનેર ને પત્ર લખી જાણ કરવામાં આવી હતી કે વટવા વિસ્તારમાં બીબી તળાવ રોડ ઉપર રોડ પર ભુવો પડે તેવી સ્થિતિ છે અને ટ્રાફિક થાય છે જેના કારણે લોકોને હાલાકીનો સામનો કરવો પડી રહ્યો છે
જેથી આ સમસ્યાનો નિકાલ લાવવામાં આવે જોકે સમગ્ર બાબતે દક્ષિણ ઝોનના ઇજનેર વિભાગ દ્વારા કોઈ ધ્યાન આપવામાં આવ્યું નહીં ત્યારે રોડ પર મોટો ભુવો પડ્યો અને એક યુવક તેમાં પડ્યો હતો. મ્યુનિસિપલ કોર્પોરેશનની બેદરકારીથી એક યુવકનો જીવ જતો રહ્યો હોત જોકે સદનનસીબે તેનો બચાવ થયો છે.
