નવી દરખાસ્ત અમલી બનતા પ્રથમ ૧ કિમી મી. માટે જ રીક્ષાનું ભાડું રૂ.૮પ૦ અને સ્કુલ વાનનું ભાડું રૂ.૧૪૦૦ સુધી પહોચી શકે છે.
(એજન્સી)અમદાવાદ, અમદાવાદ સહીત સમગ્ર રાજયમાં નવા શૈક્ષણીક વર્ગની શરૂઆત પહેલા જ સીએનજી ગેસના ભાવમાં થયેલા સતત વધારાને પગલે સ્કુલ વર્ધી એસોસીએશન દ્વારા સ્કુલ વાન અને રિક્ષાના ભાડામાં વધારો કરવાની ગતિવિધીઓ તેજ કરવામાં આવી છે.
આઠમી જુન પછી મળનારી બેઠકમાં આ અંગેનો અંતીમ નિર્ણય લેવાશે. જેને કારણે વાલીઓના ખિસ્સા પર મોઘવારીનો વધુ એક ડામ પડવાની પુરેપુરી શકયતા છે.
સામાન્ય રીતે એસોસીએશન દર ત્રણ વર્ષે ભાડામાં ફેરફાર કરતું હોય છે. જે મુજબ આગામી વધારો વર્ષ ર૦ર૭ માં થવાનો હતો. પરંતુ છેલ્લાં બે વર્ષમાં સીએનજી ભાવમાં અણધાર્યો ઉછાળો આપ્યો છ.
વર્ષ ર૦ર૪માં જયારે ભાડા નકકી થયા ત્યારે સીએનજીનો ભાવ રૂ.૭૬ હતો. જે અત્યારે રૂ.૮૬ને પાર પહોચી ગયો છે. એસોસીએશના પ્રમુખે કહયું કે, સીએનજીમાં થયેલો રૂ.૧૦ નો વધારો જુના ભાડામાં વ્યવસાય ચલાવવો આર્થિક રીતે અશકય બનાવી રહયો છે. હાલ કોઈ નિર્ણય લેવાયો નથી. આઠમી જુન પછી નિર્ણય કરાશે. સ્કુલ વર્ધીના વાહન ચાલકો કે વાલીઓને કોઈ અફવાથી નહી પ્રેરાવા અપીલ કરાઈ છે.
જો જુનમાં ભાડા વધારાને મંજુરી મળશે તો સ્કુલ રીક્ષામાં રૂ.૧૦૦ અને સ્કુલ વાનના માસીક ભાડામાં રૂ.ર૦૦ સુધીનો વધારો થઈ શકે છે. વર્તમાન ભાડા માળખા મુજબ પ કિ.મી. અંતર માટે રીક્ષાનું ભાડુંરૂ.૧૧પ૦ અને વાનનું ભાડુંરૂ.ર૦૦૦ છે.
નવી દરખાસ્ત અમલી બનતા પ્રથમ ૧ કિમી મી. માટે જ રીક્ષાનું ભાડું રૂ.૮પ૦ અને સ્કુલ વાનનું ભાડું રૂ.૧૪૦૦ સુધી પહોચી શકે છે. આ નિર્ણય વાલીઓના બજેટને સીધી રીતે અસર કરશે.
