અમેરિકાના લોસ એન્જલસમાંથી એક ખૂબ જ દુઃખદ સમાચાર સામે આવ્યા છે. અહીંના ચેટ્સવર્થ વિસ્તારમાં એક ભયાનક માર્ગ અકસ્માતના લાઈવ કવરેજ દરમિયાન મોટો અકસ્માત થયો હતો. મળતી માહિતી મુજબ, અકસ્માતને કવર કરવા માટે એક હેલિકોપ્ટર ઘટનાસ્થળે પહોંચ્યું હતું. આ દરમિયાન હેલિકોપ્ટર જ ક્રેશ થઈ ગયું. આ અકસ્માતમાં હેલિકોપ્ટરમાં મુસાફરી કરી રહેલા રિપોર્ટર સહિત ત્રણ લોકોના મોત થયા છે.
જાણકારી અનુસાર આ હેલિકોપ્ટર NBC ન્યૂઝ સાથે સંકળાયેલું હતું. રિપોર્ટ્સમાં કહેવામાં આવી રહ્યું છે કે લાઈવ કવરેજ દરમિયાન ‘ન્યૂઝશોપર 4’ અચાનક ક્રેશ થઈ ગયું અને એક ઈમારતની નજીક પડી ગયું અને આગ લાગી. જેના કારણે ત્રણ લોકોના ઘટનાસ્થળે જ મોત થયા હતા. એક વ્યક્તિ ગંભીર હાલતમાં હોસ્પિટલમાં દાખલ છે.
ચેનલે પુષ્ટિ કરી
NBC એન્કર કોલિન વિલિયમ્સે લાઈવ બ્રોડકાસ્ટ દરમિયાન ભાવુક બનીને ઘટનાની પુષ્ટિ કરી. તેણે કહ્યું કે જે હેલિકોપ્ટર ઘટનાસ્થળે ક્રેશ થયું તે NBCનું હતું અને હવે રિપોર્ટરનો સંપર્ક થઈ શકતો નથી. મળતી માહિતી મુજબ હેલિકોપ્ટરમાં રિપોર્ટર ઈલિયાના મોરેનો સવાર હતા. મોરેનો એનબીસી માટે એરિયલ ફોટોગ્રાફર અને રિપોર્ટર તરીકે કામ કરતા હતા. હવે તેમના મૃત્યુના સમાચાર સામે આવ્યા છે.
