પાકિસ્તાનમાં શનિવારે ભૂકંપના જોરદાર આંચકા અનુભવાયા હતા. ભૂકંપની અસર ભારતના સરહદી વિસ્તારોમાં પણ જોવા મળી રહી છે. નેશનલ સેન્ટર ફોર સિસ્મોલોજી અનુસાર, રિક્ટર સ્કેલ પર ભૂકંપની તીવ્રતા 5.8 હતી. જો કે આ ભૂકંપમાં હજુ સુધી કોઈ નુકસાનના સમાચાર નથી.
મળતી માહિતી મુજબ, ભૂકંપનું કેન્દ્ર બલૂચિસ્તાન પ્રાંતના ખુઝદાર શહેરથી લગભગ 50 કિલોમીટર દૂર સવારે 10 વાગ્યે હતું. ભૂકંપના કેન્દ્રની ઊંડાઈ માત્ર 10 કિલોમીટર હતી. આવા ધરતીકંપો સામાન્ય રીતે સપાટી પર વધુ વિનાશ સર્જે છે. પાકિસ્તાનના સરકારી વિભાગના જણાવ્યા અનુસાર, ઘણી ઈમારતોમાં તિરાડો દેખાઈ છે. જ્યારે ભૂકંપ આવ્યો ત્યારે લોકો ઘરની બહાર આવી ગયા હતા.
વાસ્તવમાં, જ્યારે ભૂકંપનું કેન્દ્ર જમીનની નીચે ઊંડે સુધી હોય છે, ત્યારે ઉર્જા દૂર સુધી ફેલાય છે અને તેની અસર ઘણી દૂર હોય છે પરંતુ આંચકાની તીવ્રતા ઓછી હોય છે.
