ક્રિકેટ સચિન તેંડુલકરના પુત્ર અર્જુને ગોવાને સૈયદ મુશ્તાક અલી ટ્રોફીમાં શાનદાર જીત અપાવી છે. આ ડાબા હાથના બોલરે મધ્યપ્રદેશ સામે ત્રણ વિકેટ લીધી હતી અને પાવર પ્લેમાં તેની બોલિંગના કારણે વિપક્ષી ટીમ મોટો સ્કોર કરી શકી ન હતી અને ત્યારબાદ ગોવાએ આ સિઝનમાં બીજી જીત નોંધાવી હતી. ગોવાએ મધ્યપ્રદેશને 7 વિકેટે હરાવ્યું. પ્રથમ બેટિંગ કરતા મધ્ય પ્રદેશે 170 રન બનાવ્યા, ગોવાએ આ લક્ષ્યાંક 18.3 ઓવરમાં હાંસલ કરી લીધો. કેપ્ટન સુયશ પ્રભુદેસાઇએ અણનમ 75 રન અને અભિનવ તેજરાનાએ 55 રનની ઇનિંગ રમી હતી. તેના સિવાય અર્જુન તેંડુલકરે પણ શાનદાર બોલિંગ કરી હતી. ગોવા માટે અર્જુન તેંડુલકરે પોતાનું સર્વશ્રેષ્ઠ બોલિંગ પ્રદર્શન કર્યું અને 3 વિકેટ લીધી.
અર્જુન તેંડુલકરનું અદ્ભુત કામ
ગોવા તરફથી પ્રથમ ઓવર અર્જુન તેંડુલકરે નાખી અને આ ખેલાડીએ પાંચમા બોલ પર જ શિવાંગ કુમારને આઉટ કર્યો. શિવાંગ ખાતું પણ ખોલાવી શક્યો ન હતો. આ પછી, આગલી ઓવરમાં આ ખેલાડીએ અંકુશ સિંહની વિકેટ પણ લીધી. ડેથ ઓવર્સમાં અર્જુન તેંડુલકર થોડો મોંઘો સાબિત થયો હોવા છતાં તેણે વેંકટેશ અય્યરને 6 રન પર આઉટ કરીને પોતાનો ત્રીજો શિકાર લીધો હતો. મધ્યપ્રદેશ તરફથી હરપ્રીત સિંહે અણનમ 80 રન બનાવ્યા હતા. કેપ્ટન રજત પાટીદાર માત્ર 29 રન બનાવી શક્યો હતો. અંતમાં અંકિત વર્માએ 4 છગ્ગાની મદદથી 34 રન બનાવ્યા હતા.
અર્જુન ફરી ઓપનિંગમાં આવ્યો
બોલિંગ કર્યા બાદ અર્જુન તેંડુલકરે ઓપનિંગ બેટિંગ પણ કરી હતી. આ ખેલાડીએ આવતાની સાથે જ ત્રણ ચોગ્ગા ફટકાર્યા પરંતુ 16ના સ્કોર પર તે તિરુપરેશ સિંહનો શિકાર બન્યો. આ પછી ગોવાનું કબજો અભિનવ તલરેજા અને સુયદ પ્રભુદેસાઈએ લીધું. બંનેએ 66 બોલમાં 89 રનની ભાગીદારી કરી હતી. લલિત યાદવે પ્રભુદેસાઈ સાથે મળીને માત્ર 27 બોલમાં 57 રન ઉમેરીને ટીમને જીત અપાવી હતી.
