રચિન રવીન્દ્ર અને ટોમ લાથમની સદીઓની મદદથી ન્યૂઝીલેન્ડે ક્રાઈસ્ટચર્ચમાં વેસ્ટ ઈન્ડિઝ સામેની પ્રથમ ટેસ્ટ ક્રિકેટ મેચના ત્રીજા દિવસે ગુરુવારે 481 રનની લીડ લઈને મેચ પર પોતાની પકડ મજબૂત કરી લીધી હતી.
રવિન્દ્રએ 176 રનની શાનદાર ઇનિંગ રમી હતી જ્યારે ઓપનર લાથમે 145 રન બનાવ્યા હતા. બંનેએ ત્રીજી વિકેટ માટે 279 રનની ભાગીદારી કરી હતી, જેના કારણે ત્રીજા દિવસની રમતના અંત સુધીમાં ન્યૂઝીલેન્ડે તેની બીજી ઇનિંગમાં ચાર વિકેટે 417 રન બનાવ્યા હતા.
પ્રથમ દાવમાં 231 રન બનાવ્યા બાદ ન્યૂઝીલેન્ડે વેસ્ટ ઈન્ડિઝને 167 રનમાં ઓલઆઉટ કરી 64 રનની લીડ મેળવી હતી.
ન્યુઝીલેન્ડના બીજા દાવમાં 417 રનમાંથી 200 રન 50 ચોગ્ગાથી આવ્યા હતા, જેમાંથી રવિન્દ્રએ 27 ચોગ્ગા ફટકાર્યા હતા. દિવસની રમતના અંતે વિલ યંગ 20 અને માઈકલ બ્રેસવેલ છ રને રમતમાં હતા.
લાથમે નવ ચોગ્ગાની મદદથી 179 બોલમાં પોતાની સદી પૂરી કરી હતી. રવિન્દ્રએ તેની ચોથી ટેસ્ટ સદી 108 બોલમાં 16 ચોગ્ગા અને એક છગ્ગાની મદદથી પૂરી કરી હતી.
