ન્યુઝીલેન્ડ અને વેસ્ટ ઈન્ડિઝ વચ્ચે 3 મેચની ટેસ્ટ સીરીઝ રમાઈ રહી છે. શ્રેણીની બીજી મેચમાં, બંને ટીમો વેલિંગ્ટનના બેસિન રિઝર્વ સ્ટેડિયમમાં સામસામે આવી હતી. આ મેચમાં ન્યુઝીલેન્ડ તરફથી જોરદાર રમત જોવા મળી હતી અને તેણે માત્ર 3 દિવસમાં જ મુલાકાતી ટીમને હરાવી હતી. કિવી ટીમે આ મેચ 9 વિકેટના મોટા અંતરથી જીતી હતી, જેનું સૌથી મોટું કારણ તેની મજબૂત બોલિંગ હતી. તેણે બંને દાવમાં વેસ્ટ ઈન્ડિઝને મોટા સ્કોર સુધી પહોંચવા ન દીધું અને શ્રેણીમાં 1-0ની સરસાઈ મેળવી.
ન્યુઝીલેન્ડની બેટિંગ ફ્લોપ રહી હતી
આ મેચમાં ન્યૂઝીલેન્ડે ટોસ જીતીને પહેલા બોલિંગ કરવાનો નિર્ણય કર્યો જે સાચો સાબિત થયો. વેસ્ટ ઈન્ડિઝની ટીમ પ્રથમ દાવમાં માત્ર 205 રન જ બનાવી શકી હતી. આ દરમિયાન શે હોપે સૌથી વધુ 47 રન બનાવ્યા હતા. જ્યારે જ્હોન કેમ્પબેલે 44 રનનું યોગદાન આપ્યું હતું. બ્રાન્ડોન કિંગે પણ 33 રન અને રોસ્ટન ચેઝે 29 રન બનાવ્યા હતા. પરંતુ અન્ય કોઈ બેટ્સમેન 20 રનના આંકને સ્પર્શી શક્યા ન હતા. બીજી તરફ ન્યૂઝીલેન્ડ તરફથી બ્લેર ટિકનરે સૌથી વધુ 4 વિકેટ લીધી હતી. માઈકલ રાયે પણ 3 સફળતાઓ પોતાના નામે કરી હતી. જ્યારે જેકબ ડફી અને ગ્લેન ફિલિપ્સને 1-1 વિકેટ મળી હતી.
ન્યૂઝીલેન્ડે પ્રથમ દાવમાં લીડ મેળવી હતી
જવાબમાં ન્યુઝીલેન્ડનો પણ કોઈ ખાસ બેટ્સમેન જોવા મળ્યો ન હતો, પરંતુ તે 73 રનની લીડ લેવામાં સફળ રહી હતી. તેણે 9 વિકેટના નુકસાન પર 278 રન બનાવી પ્રથમ દાવ ડિકલેર કર્યો હતો. જેમાં મિશેલ હેના 61 રન અને ડેવોન કોનવેના 60 રનનો સૌથી મોટો ફાળો રહ્યો હતો. કેન વિલિયમસને પણ 37 રન બનાવ્યા હતા. જ્યારે વેસ્ટ ઈન્ડિઝ તરફથી એન્ડરસન ફિલિપે સૌથી વધુ 3 અને કેમાર રોચે 2 વિકેટ ઝડપી હતી.
જેકબ ડફીએ વિનાશ વેર્યો
તે જ સમયે, બીજા દાવમાં, જેકબ ડફીએ વેસ્ટ ઈન્ડિઝની ટીમ પર તબાહી મચાવી દીધી, જેના કારણે મુલાકાતી ટીમ માત્ર 128 રનમાં ઓલઆઉટ થઈ ગઈ. જેકબ ડફીએ 17.2 ઓવરમાં 38 રન આપીને 5 વિકેટ લઈને ન્યૂઝીલેન્ડની જીત પર મહોર મારી હતી. તેના સિવાય માઈકલ રાયે પણ આ ઈનિંગમાં 3 સફળતા મેળવી હતી. જેના કારણે ન્યૂઝીલેન્ડને જીતવા માટે 56 રનનો ટાર્ગેટ મળ્યો હતો જે તેણે 10 ઓવરમાં 1 વિકેટના નુકસાન પર હાંસલ કરી લીધો હતો.
