ભારતીય T20 સેટઅપમાંથી બહાર રહેલા ફાસ્ટ બોલર મોહમ્મદ સિરાજે સૈયદ મુશ્તાક અલી ટ્રોફીમાં શાનદાર બોલિંગ કરીને કોચ ગૌતમ ગંભીર અને કેપ્ટન સૂર્યકુમાર યાદવ સાથે મુખ્ય પસંદગીકાર અજીત અગરકરનું ધ્યાન ખેંચ્યું છે. T20 વર્લ્ડ કપ પહેલા જો આપણે T20 ક્રિકેટમાં ભારતીય પેસ આક્રમણની વાત કરીએ તો ઓલરાઉન્ડર હાર્દિક પંડ્યા સિવાય ટીમ પાસે જસપ્રીત બુમરાહ, અર્શદીપ સિંહ અને હર્ષિત રાણાના રૂપમાં ત્રણ મુખ્ય ઝડપી બોલર છે. સતત સારા પ્રદર્શન અને સખત મહેનત છતાં, મોહમ્મદ સિરાજ ટીમની બહાર છે કારણ કે તે બેટિંગમાં એટલું યોગદાન આપી શકતો નથી જેટલો હર્ષિત સક્ષમ છે.
પરંતુ મુંબઈ સામેની સૈયદ મુશ્તાક અલી ટ્રોફીની મેચમાં મોહમ્મદ સિરાજે બતાવ્યું કે કેવી રીતે તેની બોલિંગથી મેચને એકલા હાથે ફેરવી નાખવાની શક્તિ છે.
મુંબઈ સામેની મેચમાં મોહમ્મદ સિરાજ હૈદરાબાદ તરફથી રમ્યો હતો અને તેણે 3.5 ઓવરમાં માત્ર 17 રન આપીને 3 વિકેટ ઝડપી હતી. સિરાજના આ શાનદાર સ્પેલને કારણે હૈદરાબાદની ટીમ મુંબઈને 131ના સ્કોર પર જ આઉટ કરવામાં સફળ રહી હતી.
132 રનના ટાર્ગેટનો પીછો કરવા ઉતરેલી હૈદરાબાદની ટીમ માટે રન ચેઝમાં તન્મય અગ્રવાલ ચમક્યો, જેણે 40 બોલમાં 75 રનની શાનદાર ઇનિંગ રમી. હૈદરાબાદે આ મેચ 11.5 ઓવરમાં 9 વિકેટે જીતી લીધી હતી.
મોહમ્મદ સિરાજને તેની શાનદાર બોલિંગ માટે પ્લેયર ઓફ ધ મેચનો એવોર્ડ આપવામાં આવ્યો હતો.
